குமரிக்கண்டம் ஓர் ஆய்வு....! (ஒவ்வொரு தமிழனும் அறிய வேண்டியது!)

Posted by justin jeevaprakash | | Posted On Wednesday, December 15, 2010 at 11:30 PM


            குமரிக்கண்டம்! நாம் அடிக்கடி பலர் சொல்ல கேள்விப்பட்டதுண்டு. குமரிக்கண்டம் பற்றி நம்மால் எதுவும் இன்றளவிலும் திட்டவட்டமாகக் கூறவியலவில்லை.ஆனால், இதனையொட்டி சில உண்மைகளை நாம் புரிந்து கொண்டே ஆக வேண்டும். குமரிக்கண்டமே தமிழனின் வரலாற்றின் ஆரம்பம் என்றும் கூறலாம். கடல்கோள்களால்  குமிரிக்கண்டம்  அழிவை எதிர் நோக்கியுள்ளது என்று அறிஞர்களும் கூறுகின்றனர். இவ்வழிவு கட்டம் கட்டமாக நிகழ்ந்திருப்பதாக நிலநூல் வல்லார்கள் தங்களது ஆராய்ச்சியில் நிரூபித்தும் வருகின்றனர்.  இதனையொட்டி  'ஸ்காட் எலியட்' (W.Scott Elliot)  என்பவரின் கருத்தினை சிந்திக்கவே வேண்டும். இவர் பதினாறாயிரம் நூற்றாண்டுகளுக்கு முன் முதல் கடல் பெருக்கு  ஏற்பட்டதாகவும்,  மூன்றாவது  கடல் பெருக்கு இருநூறாயிரம் ஆண்டுகளுக்கு முன் நிகழ்ந்ததாகவும்,  நான்காவது கடல் பெருக்கு  எண்பதாயிரம் ஆண்டுகளுக்கு முன் அழிவை ஏற்படுத்தியதாகவும், ஐந்தாவது கடல் பெருக்கு கி.மு 9564இல் ஏற்பட்டதாகவும்  தனது ஆராய்ச்சியில் குறிப்பிடுகின்றார். இக்கூற்றை ஒப்பீடு செய்து பார்க்கும் போது அட்லாண்டிக் கடல் பகுதியில் முன்பு ஒரு பூகம்பம் ஏற்பட்டு 'பொசிடோனியஸ்' எனும் தீவு கி.மு 9564இல்அழிந்தது என்பதையும் குறிப்பிட்டுள்ளார். இதுவே  முத்தமிழ் செல்வனின் தமிழக வரலாற்றிலும் குறிப்பிடப்பட்டிருக்கிறது.
                  குமரிக்கண்டம் குமரி முதல் ஆஸ்திரேலியா வரை பரந்து கிடந்ததாக கருதப் படுகிறது.இன்றைய இலங்கையும் உள்ளடக்கி 49 மாநிலங்கள் இருந்தனவாம். அதில்,வடமதுரை என்பதுதான் இதன் முதல் தலைநகர்.இங்குதான் முதல் சங்கம் இருந்தது.இங்குதான் அகத்தியர் தனது அகத்தியம் எனும் நூலை இயற்றினார்.இந்த சங்கம் என்ற சொல் குறிப்பிடுவது தமிழ்ச் சபையைக் குறிப்பிடலாம்.அல்லது இன்று united states of america 51 மாநிலங்களைக் கொண்ட கூட்டாட்சி அமைப்பாக இருப்பது போல ஒரு Federation of 49 states ஆகவும் இருக்கலாம் எனத் தோன்றுகிறது.அதன் பொது மொழியாக தமிழ் இருந்திருக்கலாம்.
               முதல் சங்கம் கடல் ஊழினால் அழிந்தது.அதை ஆண்ட பாண்டியர்கள் வடக்கே நகர்ந்து கபாடபுரம் வந்தார்கள்.கொஞ்சகாலத்தில் சிலப்பதிகாரம் சொல்வது போல மறுபடி கொடுங்கடல் கொள்ள கடலே வேண்டாம் சாமி என்று இன்றைய மதுரையைத் தேடிப் பிடித்தார்கள்.அகத்தியர் இன்னும் நகர்ந்து கடல் கோளோ பூமி அதிர்வோ வராத இடம் என்று தேடி இன்றைய பொதிகை மலை வந்து சேர்ந்திருக்கலாம் .இங்கு தென்காசி அருகே உள்ள தோரணவாயில் மலையில் ஒரு ஆராய்ச்சிக் கூடத்தை நிறுவினார் என்றும் சான்றுகள் பகரப்படுகின்றன. அது  ஒருவேளை புவியியல் ஆராய்ச்சிக் கூடமாகவும்  இருக்கலாம்.( நன்றி: அரவை அரன்.)
               நமது பூமியின் நிலப்பரப்பு ஒரே தட்டாக இல்லை.பல துண்டுகளாக ஒன்றோடு ஒன்று பொருந்தித்தான் இருக்கிறது.அவ்வாறு பொருந்தி இருக்கிற பிளவுக் கோடுகளில்தான்  பெரும்பாலும் பூமி அதிர்ச்சிகள் ஏற்படுகின்றன. இதன் விளைவாகவே  இப்பகுதிகளின் அடித்தளங்கள், எரிமலை அதிர்ச்சியினால்  மிக விரைவில் இரவு நேரத்தில் மறைந்து போனதாகவும் இந்நில வெடிப்பில் ஒன்றிலிருந்து ஒன்று பிரிக்கப்பட்டதாகவும் மொத்தம் 64000000 மக்கள் அழிந்ததாகவும் , தொறானோ கையெழுத்துப் படிவத்தில் உள்ளது. இப்படிவம் 3500 ஆண்டுகளுக்கு முன் எழுதப்பட்டிப்பதாகவும் , இன்றும் இலண்டனில் நூதனப் பொருட்காட்சி சாலையில் உள்ளது  என்றும்  'ஸ்காட் எலியோட்' கூறுகிறார். இதனைத் தொடர்ந்து பார்த்தோமானால், குமரி நாட்டின்  வடக்கு எல்லை  விந்திய மலையாக இருந்திருக்கிறது. இமயமலையும் சிந்து சமவெளிகளும் அப்போது  இல்லை. ஆகவே, குமரி நாடு ஆசியக்கண்டத்தின் ஒரு பகுதியாக இராமல் தனியான பெரு நாடாக நிலவி இருந்ததும், பிற்காலத்தில்  கடலுள் மறைந்துவிட்டதும் நாம் அறிதல் வேண்டும். குமரி நாட்டின் குமரி ஆறும் தெற்கே பஃதுளி ஆறும் அக்காலத்தில் ஓடிக்கொண்டிருந்தன என்பதை புறநானூற்றின் 9 ஆம் பாடலாலும் இதனை அறியலாம்.

video
தமிழனும் குமரிக்கண்டமும்: காணொளியைக் காண்க

            மேலும்,    குமரிக்கண்டம் ஒரு மிகப்பழமையான நிலப்பரப்பு. அங்கு தமிழன் தோன்றினான். அவனே உலகின் முதல் மனிதன். அவனே உலகின் அனைத்துப் பண்பாடுகளுக்கும் முன்னோடியான பண்பாட்டை உருவாக்கினான். தமிழிலிருந்தே அனைத்து மொழிகளும் தோன்றின. இவற்றையெல்லாம் பின்னாள்களில் வந்த ஆரியச் சதிகாரர்கள் மறைத்துவிட்டார்கள் என்றும்
 தேவநேயப் பாவாணர் முதல் அப்பாதுரைவரை முன்வைக்கும் சித்திரம் இதுதான். இதற்கும் சான்றாகக் குரங்கிலிருந்து பிறந்தவன்தான் மனிதன் என்றும் இவ்வுலகில் தோன்றிய முதல் குரங்கு மனிதனே  பழந்தமிழ் நாட்டனாகத்தான் இருக்க முடியும் என்பதோடு விஞ்ஞானிகள்,  நில நடுக்கோடு எப்பகுதியில் செல்கிறதோ, அப்பகுதியிலே, ஆதி கரு உற்பத்தியாக முடியும் எனவும் கருதுகின்றனர். அதுமட்டுமின்றி, சீனிவாச ஐயங்கரும்,   'பன்னெடுங் காலத்திற்கு முன் ஆஸ்திரேலியா, ஆப்பிரிக்காக் கண்டங்களை உள்ளிட்டு, நில நடுக்கோட்டுப் பகுதியில் நிலவிய லெமுரியா விலங்கியது. இப்பகுதியே, மக்களின் பிறப்பிடமாக இருக்கலாம். தென்னிந்தியாவில் தோன்றி வாழ்ந்த பழங்குடி மக்களின் சந்ததிமார்களே திராவிடர்கள்.'  எனக் கூறுவதும் இங்கு சான்றாகிறது.(நன்றி: முத்தமிழ் செல்வன்)


      ஒரு அறிவியல் புனைவு லாகவத்துடன் இதற்கு அப்பாலும் போகக்கூடிய கற்பனையாளர்கள் உண்டு. உதாரணமாக குமரி மாவட்டத்தைச் சேர்ந்த ‘குமரி மைந்தன்’ எனும் ஆராய்ச்சியாளரைக் குறிப்பிடலாம். குமரிக்கண்டக்காரர்கள் வெறுமனே மூதாதைகள் மட்டுமல்ல. அறிவியல் வல்லுனர்கள். ஆகாய விமானங்களை அப்போதே கண்டுபிடித்தவர்கள். விண்வெளிப் பயணம் மேற்கொள்ளத்தக்க தொழில்நுட்பத் திறனாளிகள். உலகெங்கும் பறந்து பண்பாட்டைப் பரப்பியவர்கள். உலகின் மற்ற பாகங்களில் வாழ்ந்த பண்பாடில்லாத மக்களுக்குப் பண்பாட்டையும் தொழில்நுட்பத்தையும் இவர்கள் அளித்தமையால் இவர்களை அம்மக்கள் ‘கடவுள்களாக’ வணங்கினர் எனவும் கூறப்படுகின்றது.
             தொடர்ந்து, ஆதிமனிதன் மூதாதைகளுக்கு ஆஸ்திரேலா பிதகஸ்(குரங்கு மனிதன்) பிதகாந்தரப்பாஸ் (மனிதனின் மூதாதை). ஹோமா சாப்பியன் (ஆதிமனிதன்) என்றும் விஞ்ஞானிகள் பெயரிட்டிருக்கின்றனர். இந்துமாக் ஓரத்தில் இருக்கும் ஆப்பிரிக்காவிலும், ஜாவாவிலும் மனிதனின் மூதாதையர்கள் வாழ்ந்தனர் என்பதும் தெளிவாகிறது. இதற்கான சான்று (Burns Edward Mc And Philip Lee Ralph, World Civilization: From Ancient to Contemporary, Vol 1 ) ல் உள்ளது.
             அதுமட்டுமின்றி, தமிழ் இலக்கியங்களிலும், குமரிக்கண்டத்தின் சான்றுகள்  பல காணவே படுகின்றன. இவற்றையெல்லாம் ஒப்பீடு செய்து பார்க்கும்போது,  பழந்தமிழ் நிலப்பகுதியே ஆதித் தமிழரின் தாயகம் என்ற முடிவுக்கு நாம் வருவதில் எந்த ஒரு ஐயப்பாடும் இல்லை. மேலும், ஆதி மூதாதை ஆதித் தமிழினத்தார் என்றே கூறவும் வேண்டும்.      தொடரும்....

(குறிப்பு: இங்கு குறிப்பிட்டுள்ள அனைத்துக் கருத்துகளும் யாம் படித்ததையொட்டியும், எந்தன் தேடலையொட்டியுமே அமைந்திருக்கிறது. பல மேற்கோள்களைக் கொண்டே செய்திகளை முன் வைத்துள்ளேன்.  இங்கு விடுப்பட்ட  விடயங்கள் இருந்தால் பகிர்ந்து கொள்ளுங்கள். நன்றி. )
  

கணேசர் தமிழ்ப்பள்ளியின் விருதளிப்பு விழாவும். 'தமிழ்விழி' புத்தக வெளியீடும்...

Posted by justin jeevaprakash | | Posted On Wednesday, November 17, 2010 at 3:18 PM

கடந்த 14-11-2010ல் கணேசர் தமிழ்ப்பள்ளியில் மாணவர்களுக்கு விருதளிப்பு விழா மிகவும் விமரிசையாக நடந்தேறியது. இந்நிகழ்வில் சிறப்பு வருகையாளராக ஐயா திரு.கெங்கையன் அவர்களும் செர்டாங் மாவட்ட இந்து சங்க செயலாளர் திரு. தங்கவேலு
அவர்களும் கலந்து கொண்டார்கள். இந்த விருதளிப்பு விழா எவ்வருடமும் காணாத அளவுக்கு இவ்வருடம் மிகவும் சிறப்பாக நடந்தேறியது. இவ்வருடம் மாணவர்கள் யூபிஎசார் தேர்வில் கடந்த ஆண்டுகளைக் காட்டிலும் மிகவும் சிறப்பாகத் தேர்ச்சி அடைந்தது மட்டுமல்லாமல்      கூலிம் மாவட்ட ரீதியில் நடைபெற்ற கலை, கலாச்சார விழாக்களிலும் சிறந்த பள்ளியாகத் தேர்ந்தெடுக்கப்பட்டிருந்தது பல கொடை நெஞ்சங்களைப் பள்ளியின் பக்கம்
 ஈர்த்துள்ளது. அதுமட்டுமின்றி, இவ்வருடம் 6ஏ 1பி எடுத்த மாணவி
செல்வி புஷ்பா சங்கரன் சிறப்பு செய்யப்பட்டார். அதனைத் தொடர்ந்து  இப்பள்ளியில்        5ஏ , 4ஏ,   3ஏ எடுத்த மாணவர்களும் சிறப்பு செய்யப்பட்டனர் என்பதும் குறிப்பிடத்தக்கது.                மேலும்,
பள்ளி ஆசிரியர்களுக்கும்  சிறப்புத்
தேர்ச்சி பெற்ற மாணவர்களுக்கும்  மலேசிய  இந்து  சங்க  சார்பில், செர்டாங்  மாவட்ட இந்து சங்க செயலாளர் திரு. தங்கவேலு அவர்கள் சிறப்பு செய்து சான்றிதழ் வழங்கினார். இதனைத்  தொடர்ந்து  பள்ளியின் தலைமையாசிரியைத் திருமதி.யௌவனராணி அவர்கள் பள்ளியின் வளர்ச்சிக்காகப் பாடுபடும்; பாடுபட்டுக் கொண்டிருக்கும் அனைத்து நன்நெஞ்சங்களுக்கும் நன்றியைத் தெரிவித்துக் கொண்டு, நம் சமூகத்தின் வளர்ச்சிக்கு, நாம்தான் பாடுபட வேண்டும் எனக் கூறிக் கொண்டு, அனைவரின் ஆதரவையும் அடுத்தடுத்தாண்டுகளிலும் தேவை என்பதையும் தமது உரையில் தெரிவித்துக் கொண்டார்.
             அதுமட்டுமின்றி, அன்றே பள்ளியில் 'தமிழ்விழி' எனும் மாணவர் படைப்பிலக்கிய இதழை வெளியீடு செய்தோம். இந்நிகழ்வு விருதளிப்பு விழாவில் ஓர் அங்கமாக நடந்தேறியது.
மாணவர்களின் எழுத்தாற்றலை வளர்க்கவும், நாளைய எழுத்தாளர்களாக அவர்கள் வளர்ந்து வரவும், இது அடித்தளமாக அமைந்தது. மேலும் இப்புத்தகத்தைப் பல நன்நெஞ்சங்கள் பள்ளியின் வளர்ச்சிக்காக நன்கொடையாக கொடுத்துப் பெற்றுக்   கொண்டதும், மாணவர்களின் படைப்பிற்கு ஓர் அந்தஸ்த்தை ஏற்படுத்தியது என்றால் அது மிகையாகாது. இவ்விதழ் வெளியீட்டிற்கு என்னோடு சேர்ந்து  ஆசிரியர் திரு.வடிவேல் அவர்களும், ஆசிரியர் திரு. போகீர்த்தனன் அவர்களும், ஆசிரியர் திரு. சரவணன் அவர்களும், ஆசிரியைக் குமாரி. அன்னபூரணி அவர்களும் பணியாற்றினர் என்பதோடு, அவர்களுக்கும் என் நன்றியினைத் தெரிவித்துக் கொள்கிறேன்.நன்றி.
.


சகதி…

Posted by justin jeevaprakash | | Posted On Monday, September 27, 2010 at 8:55 AM

.
அசைவோடு

அசைந்தாடி…

மென்காற்றோடு உறவாடி..

பிறந்து பிரிந்ததோ..

நேர்மின்மமுமாய்…

எதிர்மின்மமுமாய்…



இயற்கைக்கு

இயல் கொடுத்து

அசைவுக்கு

இசைக்கொடுத்து

சேர்ந்ததோ..

அணு ரூபமாய்..



தடம் தேட அணுரூபம்,

காற்றோடும்...

தீயோடும்…

நீரோடும்…

நிலத்தோடும்…

வானோடும்..

பரிணாமித்ததோ

பஞ்ச பூதமாய்…



இதையறிந்தும்

அறியாததுமாய்..

அறியாததை

அறிந்ததுமாய்…

மானிடன் மாயை

எனும் வலைக்குள்

பின்னியதும் ஏணோ…

(கடந்த அநங்கம் இதழில்
வெளியிடப்பட்ட என் கவிதை)
.

ஜெயமோகனுடன் ஒரு சந்திப்பு...

Posted by justin jeevaprakash | | Posted On Friday, September 10, 2010 at 12:37 PM

வணக்கம். நான் இலக்கியப் பதிவுகளை வாசிக்கத் தொடங்கிய காலத்தில் என்னை அதிக சிந்த்திக்கத் தூண்டிய பதிப்புகளில் ஐயா ஜெயமோகன் அவரின் படைப்புக்களும்    ஒன்று . அவ்வகையில் என்னை நான் ஆழப்படுத்தி கொண்டதற்கு ஐயா ஜெயமோகன் அவர்களின் படைப்புகள் ஆரம்ப காலக்கட்டத்திலிருந்தே  எனக்குப் பெரும் பங்காற்றின. ஆனால் அன்னாரை நேரில் சந்திக்கும் வாய்ப்பு எனக்கு கிடைக்கும் என்பதை நான் சிரிதும் எதிர்பார்க்கவில்லை.   ஐயாவின்  முதல் நாள் வருகையின் போது துவான்க்கு        பைனூன் ஆசிரியர் பயிற்சி கழகத்தில்  தமிழ்த்துரையின் ஏற்பாட்டில் தமிழ் இலக்கியக்   கருத்தரங்கம்  ஏற்பாடு   செய்யப்பட்டிருந்த நிகழ்வில் சந்தித்தேன் .  ஐயா ஜெயமோகன் நிகழ்வில் பேசுகையில் இலக்கியத்தில் கற்பிக்கப்படும் அறங்கள் குறித்து மேலும் தெளிவாக முன்வைக்க கதைகளின் வழி விளக்கினார்.  அறங்களை மட்டும் போதிப்பது ஒரு நல்ல இலக்கியமாகக் கருத முடியாது. அது வெறும் திருப்தி படுத்தும் அளவுக்குத்தான் அமைந்திருக்கும் எனவும், இலக்கியம் என்பது அனைத்தையும் உள்வாங்கப்பட்ட ஒன்று எனவும் அந்த  அறத்தின் வழி உருவாகும் வெளிப்பாடுகளை ஒரு கலையாகத் ஒரு காலச்சூழலில் தருவதில் இலக்கியத்திற்கு முக்கியமான இடம் உண்டு எனவும் குறிப்பிட்டார்.
         தொடர்ந்து, ஐயா அவர்களை
நேற்று நேரில் சந்தித்து பேசும் வாய்ப்பு நேற்று காலையில் எனக்கு ஏற்ப்பட்டது.இச்சந்திப்பு               கூலிம்               தியான
ஆசிரமத்தில்              நடைபெற்றது. இதில்  நான், நண்பர் கே.பாலமுருகன், எழுத்தாளர் கோ.புண்ணியவான், விரிவுரையாளர் தமிழ் மாறன் ஆகியோரும் கலந்து கொண்டோம். எங்களோடு  சுவாமி பிரமானந்தா சரஸ்வதி அவர்களும்     கலந்து கொண்டார்.  ஐயா ஜெயமோகன் அவர்கள் பல விடயங்களை எங்களிடம் பகிர்ந்து கொண்டதில் எனக்குள் அடங்கியிருந்த பல கேள்வி முடிச்சுகளும் அவிழ்க்கப்பட்டன என்றே கூறவேண்டும். ஒரு நல்ல இலக்கிய படைப்பளியாக உருவெடுக்க ஒருவர் முதலில்  ஒருநல்ல  படிப்பாளியாக இருக்க வேண்டும் என்றார். மேலும் தற்போது தமிழில் நிறையா உலக இலக்கியங்கள் மொழிப்  பெயர்க்கப்பட்டிருப்பதாகவும்         அதனை தவறாது வாசிக்கவும் வேண்டும் எனவும் ஐயா அவர்கள் குறிப்பிட்டார். மேலும் ஆரம்ப நிலை எழுத்தளர்கள் நிறைய வாசிப்பதோடு மட்டுமின்றி மொழி வளம் பெறவும் நிறைய எழுத வேண்டும் என்பது அவருடைய கருத்தாக அமைந்தது.

பல எழுத்தாளர்களைப் பற்றியும் பல எழுத்துப் படிவங்களைப் பற்றியும் எங்களுடன் பகிர்ந்து கொண்டதோடு, ஆன்மீக விடயங்களையும் தன் வாழ்க்கை அனுபவத்தோடு பகிர்ந்து கொண்டது எனக்கு ஒரு உந்துதலாக அமைந்தது. நேற்றைய பொழுது என்னை நானே மறந்து இலக்கிய உலகத்தின் சுவையை சுவைத்ததிலிருந்து இன்னும் மீளவில்லை என்றே கூற வேண்டும். எங்களின் உரையாடல் ஏறக்குறைய 4   மணி நேரம் இழுத்ததா என்பது இன்னும் எனக்கு கேள்விக்குறியாகவே உள்ளது.

அந்தப் பஸ் பயணம்...

Posted by justin jeevaprakash | | Posted On Monday, August 23, 2010 at 10:46 PM

.
அன்று....
மெலிந்து..
நளிந்த இரவு
பயணம்...
இன்று மீண்டும்
என்னைத்  துவைத்தது...
அந்தப் பஸ்
பிரயாணத்தில்...

மீண்டும்
அடர்த்தியானது...
உதிர்ந்துபோன
என் நினைவுகள்
அன்றைய எந்தன்
மயிரிலைகள்
போல்...
தொலைந்து
போன
நண்பனின் விலாசத்தை
இன்று மீண்டும்
தேடித் தந்தது
என் மனச்
சாலைகள்..

கைப்பிடித்து
நடந்தோம்
முதலாம்
ஆண்டில்...
சிறகடித்துப்
பறந்தோம்
முதல்
படிவத்தில்...


கண்டும்
காணாததாய்
கடந்தது
நம்மையும்
பல நொடிகள்...

ஆனால்,

உன்னை
விட்டுப்போக
விடைகொடுத்தது
எனக்கு
அந்தக்
கல்லூரி பயணம்...

பிரிவு
நட்புக்கு
நிரந்தரமில்லை...
இயற்கைக்கது
பந்தமில்லை
என்றாய்....!

ஆனால்
நீயோ இயற்கைக்கு
சொந்தமானாயே....!

இதே பஸ்
பயணம்.
உன்னைக்
காலனுக்காக
அதிகாலையிலே
பசியாறியதோ...

உன்னை
விபத்துக்கு
இரையாக்கி
என்னைக்
கண்ணீருக்கு
சுவையாக்கி
விட்டாயே...!


.

கணேசர் தமிழ்ப்பள்ளில் 'புதிய பாதை' எனும் புதிய வடிவிலான யூபிஎசார் பயிற்சி நூல்...

Posted by justin jeevaprakash | | Posted On Friday, July 30, 2010 at 1:39 AM


      வணக்கம். கடந்த மாதம் சூன் 26 ல் பள்ளிக்கூட ரீதியில் 'புதிய பாதை' எனும் தமிழ் மொழி தாள் இரண்டிற்கான பயிற்சி புத்தகம் ஒன்றை  வெளியீடு செய்தேன்.  இப்புத்தகம் மாணவர்களின் புரிதலுக்கு ஏற்பவும் அவர்களின் சிந்தனா சக்தியைத் தூண்டும் வகையிலும் வடிவமைக்கப்பட்டுள்ளது. மாணவர்கள் ஆசிரியரின் துணையின்றி தாமாகவே இயங்க  முடியும் என்ற உணர்வைத் தூண்டக்கூடிய வண்ணம் இருக்க வேண்டும் என்பதையே நோக்கமாகக் கொண்டு இப்புதிய பாதையை வடிவமைத்தேன்.
    பெரும்பாலும் மாணவர்கள் தாங்கள் எழுதுகிற கட்டுரையையோ அல்லது வாக்கியம் அமைத்தலையோ சரியாகதான் செய்திருக்கிறோமா  எனும் ஐயப்பாடுடன் தேர்வுகளைக் எழுதுகிறார்கள், இத்தகைய  சூழல்  மாணவர்களுக்குத்  தன்னம்பிக்கையை            இழக்கச்  செய்வதோடு     அவர்கள் அறிந்தே பிழை  செய்ய  வழிவகுத்துவிடுகிறது.   இதனைப் போக்கவே மாணவர்கள் இப்புத்தகத்தில்  அட்டவணை கருவியைப் பயன்படுத்தி வாக்கியம் அமைத்தலையும்  வழிகாட்டி கட்டுரையையும் செய்கிறார்கள் . 
 இத்தகைய பயன்பாடு மாணவர்களுக்குக் கருத்துக்களைத் திரட்டி கொடுப்பதோடு, மனக்காட்சியையும் ஏற்படுத்துகிறது என்பதை எனது ஆய்வின் மூலம் என்னால் கண்டுணர முடிந்தது. இதுவே இப்புதிய பாதைக்கு வித்திட்டது என்றே கூற வேண்டும்.

இப்புத்தகம் முதலில் பள்ளிக்கூட ரீதியில் தலைமையாசிரியர் திருமதி.யௌவனாராணி அவர்களால் வெளியீடு காணப்பட்டது. இப்புத்தக வெளியீட்டிற்கான  முழு செலவீனங்களையும் பள்ளியின் பெற்றோர் ஆசிரியர் சங்கம் எடுத்துக்கொண்டதனால்           பள்ளியின்              அனைத்து  ஆறாமாண்டு மாணவர்களும்       இலவசமாக  இப்புத்தகத்தைப் பெற்றுக் கொண்டனர். அதுமட்டுமின்றி கூலிம் மாவட்டத் தமிழ்ப்பள்ளிகளின் ஒருமைப்பாட்டுக் கழகம் இப்புதிய பாதையைக் கூலிம் வட்டாரத்தில் அமைந்துள்ள   அனைத்துத் தமிழ்ப்பள்ளிகளுக்கும் பயிற்சி நூலாக வழங்கியதோடு அங்கு அமைந்துள்ள அனைத்துத் தமிழ்ப்பள்ளிகளும் இதனை இப்போது வழிகாட்டியாகப் பயன்படுத்தி வருகின்றனர் என்பது குறிப்பிடத்தக்கது.

நன்றி.

.

இனியும் எங்களை எரிக்காதீர்.......

Posted by justin jeevaprakash | | Posted On Sunday, July 4, 2010 at 8:24 PM


விடிய மறந்தானோ ஆதவன்…..


திசை மறந்தானோ ஆண்டவன்…..?

கருகிய தமிழனின் தேகம் கண்டு

கருக மறந்ததோ மேகக்கூண்டு….?

மழையே பொழிந்திடு

எம்மண்ணில் தீயின் தாகத்தை தீர்த்திடு…..!

எம் மக்களின் வற்றாத குலக்கண்கள்...

தினந்தோறும்…

ஒரு தேசத்தின் துயர்துடைத்து

துயர் வாங்கும் கொடுமைகளை

பண்டமாற்றமாய் ஆக்கியதே.....!

அராஜ அசுர அரசியலே…

குண்டு மழை குளியளில்

தமிழனின் நிறத்தை உரசிப்பார்க்காதீர்…!

கருகினாலும் நாங்கள் நாங்களே….

எங்கள் உடன் பிற்ப்புக்களின்

இரத்த வெள்ளக் குளியலில்

நீச்சல் போட்டி ஆடுகிறார்களே

உலகத்தலைவர்கள்…..!
-தமிழினியன்

தமிழர்களே, அவசரம்: விரைவாக செயல்படுவோம்: இலங்கை போர்க்குற்றத்தை விசாரிக்கும் ஐ.நா.சபையின் நிபுணர் குழு தமிழ் மக்களுக்கும், நாளிதழ்களுக்கும் ஒரு வேண்டுகோள்...!

Posted by justin jeevaprakash | | Posted On Sunday, June 27, 2010 at 9:37 AM

வணக்கம்.  இலங்கையில் போரின் போது நடைபெற்ற குற்ற செயல்களின் உண்மை நிலையை ஆராயும் குழு ஒன்றை ஐக்கிய நாடுகள் சபை நிறுவியுள்ளது. இந்தோனேஷியாவின் முன்னாள் சட்டமா அதிபர் மர்சுகி தருஸ்மன் தலைமையில் நியமிக்கப்பட்டுள்ள இக்குழுவில் அமெரிக்க வழக்கறிஞர் ஸ்டீவன் ரட்ணர், தென்னாபிக்காவின் உண்மை நல்லிணக்கம் தொடர்பான ஆணைக்குழுவில் பணியாற்றியவரும் அந்த நாட்டை சேர்ந்தவருமான யஸ்மின் சூகா ஆகியோரும் இடம்பெற்றுள்ளனர்.
http://www.un.org/news/ossg/hilites.htm
எனவே ஒவ்வொரு தமிழர்களும் அக்குழுவினர்களுக்கு மின்னஞ்சல் வாயிலாக போர்க்குற்ற புகைப்படங்களையும், காணொளிகளையும், ஆவணங்களையும் அனுப்பி வைப்போம். ஒவ்வொரு இணையத்திலும் இச்செய்தியினை வெளியிடுமாறு பணிவுடன் கேட்டுகொள்கிறேன்.
மேலும் நண்பர்களுக்கும், தமிழ் உறவுகளுக்கும் இந்த மின்னஞ்சல்-களை
தெரியபடுத்தவும்.


Marzuki Darusman
Former Indonesian attorney general
Director of Governance and Legal Reform
Association of Southeast Asian Nations (ASEAN)
A long serving veteran in the political arena and former Indonesian
Attorney General, Mr. Darusman has in-depth knowledge and practical experience in Indonesia’s legal and regulatory sytems. His determined work to build up the credibility of the National Human Rights
Commission in the early days of its establishment earned him a well-deserved reputation as a human rights advocate. He is currently one of the Chairpersons of the GOLKAR Party.

Marzuki Darusman
Strategic Asia Indonesia
Plaza Bumidaya 28th floor,
Jl. Imam Bonjol No. 61, Jakarta 10310
Tel. +62 21 3151797
Fax. +62 21 3155712
contact.us@strategic-asia.com
info@aseanhrmech.org
http://strategic-asia.com/marzuki-darusman.html



Steven Ratner
An international law of war expert, A US international law expert Professor, International Institute, University of Michigan Steven R. Ratner, the Bruno Simma Collegiate Professor of Law, came to the University of Michigan Law School in 2004 from the University of Texas School of Law. His teaching and research focuses on public international law and on a range of challenges facing governments and international institutions since the Cold War, including ethnic conflict, border disputes, counter-terrorism strategies, corporate and state duties regarding foreign investment, and accountability for human rights violations. Professor Ratner has written and lectured extensively on the law of war, and is also interested in the intersection of international law and moral philosophy and other theoretical issues. In 1998-99, he was appointed by the UN Secretary- General to a three-person group of experts to consider options for bringing the Khmer Rouge to justice, and he has since advised governments, NGOs, and international organizations on a range of international law issues. In 2008-09, he served in the legal division of the International Committee of the Red Cross in Geneva. A member of the board of editors of the American Journal of International Law from 1998-2008, he began his legal career as an attorney-adviser in the Office of the Legal Adviser of the U.S. State Department. Professor Ratner holds a J.D. from Yale, an M.A. (diplôme) from the Institut Universitaire de Hautes Etudes Internationales (Geneva), and an A.B. from Princeton. He established and directs the Law School’s externship program in Geneva.

Bruno Simma Collegiate Professor of Law
433 Hutchins Hall
Tel :734.647.4985
Fax : 734.763.9375
E-mail: sratner@umich.edu
http://web.law.umich.edu/_FacultyBioPage/facultybiopagenew.asp?ID=300



Ms. Yasmin Louise Sooka
South African Human Rights Lawyer
Executive Director - Foundation for Human Rights
Former Deputy Chairman, The Truth and Reconciliation Commission (TRC) Yasmin Louise Sooka is the executive director of the Foundation for Human Rights. Before joining the foundation, she served as a commissioner on the South African Truth and Reconciliation Commission as the deputy chairperson to the Human Rights Violations Committee. In 2004 she was appointed by the United Nations high commissioner for human rights to serve as international commissioner on the Sierra Leone Truth and Reconciliation Commission. She is considered an expert on both transitional justice and gender. She regularly consults internationally to governments, international agencies, commissions and civil society organisations on transitional justice and peace building. Sooka also serves as an executive member to the Niwano Peace Foundation and is a trustee of the Centre for Conflict Resolution and the Black Sash Trust. She currently chairs the steering committee for South Africa’s Action Plan to address racism, racial intolerance, xenophobia and other related intolerance.

Ms. Yasmin Louise Sooka
Director, Foundation for Human Rights, Johannesburg
Private Bag X14
Arcadia 0007
South Africa
+27 12 440 1691
+27 12 440 1692
YSooka@fhr.org.za
info@fhr.org.za
webmaster@justice.gov.za
info@ijr.org.za
trc.comments@pop.onwe.co.za
prodder@sangonet.org.za
http://www.fhr.org.za/page.php?p_id=16


நன்றி :

முத்தமிழ்வேந்தன்
சென்னை

உலகத்தமிழ் செம்மொழி மாநாட்டில் 50 நாடுகளில் இருந்து 4,000 தமிழ் அறிஞர்கள்

Posted by justin jeevaprakash | | Posted On Tuesday, June 22, 2010 at 6:22 PM


        வணக்கம். உலகத்தமிழ் செம்மொழி மாநாட்டில் பங்கேற்பதற்காக, 50 நாடுகளில் இருந்து 4 ஆயிரம் தமிழ் அறிஞர்கள் கோவை வருகிறார்கள். மாநாட்டு ஆய்வரங்க வளாகத்தை, துணை முதல்-அமைச்சர் மு.க.ஸ்டாலின் நேற்று முன்தினம் திறந்து வைத்தார். கோவையில் உலகத்தமிழ் செம்மொழி மாநாடு, 23-ந் தேதி தொடங்கி 27-ந் தேதி வரை 5 நாட்கள் கோலாகலமாக நடைபெறுகிறது. மாநாடு தொடங்க இன்னும் 2 நாட்களே இருப்பதால் கோவை மாநகரமே விழாக்கோலம் பூண்டுள்ளது.
செம்மொழி மாநாட்டிற்கான பணிகள் அனைத்தும் முடிவடைந்துவிட்டன. மாநாட்டின் முக்கிய நிகழ்வுகள் அனைத்தும் நடக்கும் கொடிசியா வளாகத்தில், அதிநவீன உள்அரங்கம், பிரமாண்ட விழா பந்தல், மேடை, கண்காட்சி அரங்கம், பழங்கால அரிய பொருட்கள் இடம்பெறும் கண்காட்சி அரங்கம், 21 ஆய்வரங்குகள், உணவுக்கூடங்கள் ஆகியவை தயார் நிலையில் வண்ண மின் விளக்குகளால் ஜொலிக்கின்றன.
         அரண்மனை கோட்டை வடிவிலான பிரமாண்ட மாநாட்டு பந்தலின் முகப்பு, கண்ணைக் கவரும் வகையில் அமைக்கப்பட்டு உள்ளது. மாநாட்டு பந்தல் மற்றும் அரங்கங்களை சாரைசாரையாக பொதுமக்கள் பார்வையிட்டு வருகின்றனர். அந்த இடமே சுற்றுலாத்தலம் போல காட்சி அளிக்கிறது. 23-ந் தேதி (புதன்கிழமை) காலை 10.30 மணிக்கு முதல்-அமைச்சர் கருணாநிதி தலைமையில், ஜனாதிபதி பிரதீபா பட்டீல் உலகத்தமிழ் செம்மொழி மாநாட்டை தொடங்கிவைக்கிறார். அன்று மாலை பிரமாண்ட பேரணி நடக்கிறது. இதில் `இனியவை நாற்பது’ என்ற தலைப்பில் அலங்கார ஊர்திகள் அணிவகுத்து செல்கின்றன.
            பேரணியை முக்கிய பிரமுகர்கள் பார்வையிட அவினாசி ரோடு ஹோப் கல்லூரி முதல் ரங்கவிலாஸ் மில் வரை 11/2 கிலோமீட்டர் தூரம் நீண்டமேடை அமைக்கப்பட்டுள்ளது. ஜனாதிபதி, கவர்னர், முதல்-அமைச்சர், துணை முதல்-அமைச்சர் பார்வையிடுவதற்காக சி.ஐ.டி. கல்லூரி அருகே குண்டு துளைக்காத தனிமேடை அமைக்கப்பட்டு உள்ளது. உலகத்தமிழ் செம்மொழி மாநாட்டில், 50 நாடுகளில் இருந்து 4 ஆயிரத்துக்கும் மேற்பட்ட தமிழ் அறிஞர்கள் கலந்துகொள்கிறார்கள். மொத்தம் 1,020 தமிழ் ஆராய்ச்சி கட்டுரைகள் சமர்ப்பிக்கப்படுகிறது.
            பின்லாந்து நாட்டைச் சேர்ந்த தமிழ் அறிஞர் அஸ்கோபர் போலா, இலங்கையைச் சேர்ந்த சிவதம்பி ஆகியோர் கோவை வந்துள்ளனர். வெளிநாடுகளைச் சேர்ந்த மற்ற தமிழ் அறிஞர்கள் கோவை வந்த வண்ணம் உள்ளனர். துணை முதல்-அமைச்சர் மு.க.ஸ்டாலின் நேற்று முன்தினம் இரவு கோவை வந்து மாநாட்டு பணிகளை ஆய்வு செய்தார். நேற்று காலை கோவை வ.உ.சி. மைதானத்தில் தயாராகும் அலங்கார ஊர்திகளை பார்வையிட்டார். பின்னர் அவர் திருச்சி ரோட்டில் நடைபெறும் மேம்பாட்டு பணிகளை பார்வையிட்டபின் கொடிசியா வளாகத்துக்கு சென்றார்.
           21 குளு, குளு ஆய்வரங்குகளையும், புதுப்பிக்கப்பட்ட கொடிசியா வளாகத்தையும் மு.க.ஸ்டாலின் திறந்துவைத்தார். அவருடன் கனிமொழி எம்.பி., அமைச்சர்கள் பொங்கலூர் பழனிச்சாமி, சுரேஷ்ராஜன், தமிழரசி, பூங்கோதை, சாமிநாதன், தனிஅலுவலர் அலாவுதீன், கலெக்டர் உமாநாத், செய்தித்துறை செயலாளர் முத்துசாமி, மாநகராட்சி ஆணையாளர் அன்சுல்மிஸ்ரா, மாநகர போலீஸ் கமிஷனர் சைலேந்திரபாபு ஆகியோர் நிகழ்ச்சியில் பங்கேற்றனர். மாநாட்டையொட்டி கோவையில் சிறைச்சாலை மைதானம், காந்தி பூங்கா, வடவள்ளி மருதமலை ஆண்டவர் மேல்நிலைப்பள்ளி உள்பட 11 இடங்களில் செம்மொழி கலை நிகழ்ச்சிகள் நடக்கிறது. தமிழர் பாரம்பரிய கலைகளை பறைசாற்றும் வகையில், 22-ந் தேதி வரை 3 நாட்கள் இந்த கலைநிகழ்ச்சிகள் நடைபெறுகின்றன.
            நேற்று மாலை காந்திபுரம் சிறை வளாகத்தில் நடந்த செம்மொழி கலைவிழாவை துணை முதல்-அமைச்சர் மு.க.ஸ்டாலின் தொடங்கிவைத்தார். இந்த கலைநிகழ்ச்சிகளில் ஆயிரக்கணக்கான கலைஞர்கள் பங்கேற்கிறார்கள். கலை நிகழ்ச்சிகளை பல்லாயிரக்கணக்கான மக்கள் கண்டுகளிக்கிறார்கள்.
மாநாட்டில் கலந்துகொள்வதற்காக, முதல்-அமைச்சர் கருணாநிதி (திங்கட்கிழமை) காலை 11 மணிக்கு `இந்தியன் ஏர்லைன்ஸ்’ விமானம் மூலம் கோவை வந்தடைந்தார். கோவை விமான நிலையத்தில் அவருக்கு சிறப்பான வரவேற்பு அளிக்கப்பட்டது.
          வரவேற்பு முடிந்ததும் அவர் கொடிசியா அரங்கிற்கு சென்று மாநாடு ஏற்பாடுகளை பார்வையிட்டார். முதல்-அமைச்சர் கருணாநிதி கோவையில் ஒரு வாரம் தங்கி இருப்பார்.  மாநாட்டை தொடங்கிவைப்பதற்காக, ஜனாதிபதி பிரதீபா பட்டீல் 22-ந் தேதி மாலை கோவை வருகிறார். ஜனாதிபதி, முதல்-அமைச்சர் உள்ளிட்ட முக்கிய பிரமுகர்கள் தங்கும் விடுதிகள், அரசு விருந்தினர் விடுதிகள் மற்றும் தமிழ் அறிஞர்கள் தங்கும் விடுதிகளுக்கு பலத்த பாதுகாப்பு ஏற்பாடுகள் செய்யப்பட்டுள்ளன.
பாதுகாப்பு பணியில் 11 ஆயிரம் போலீசார் மற்றும் ஆயிரம் ஊர்காவல் படையினர் ஈடுபடுகின்றனர். வெடிகுண்டு நிபுணர்கள், மோப்பநாய்கள் ஏற்கனவே வரவழைக்கப்பட்டு பணியை தொடங்கி விட்டனர். வெளிமாவட்டங்களில் இருந்தும் ஏராளமான போலீசார் வரவழைக்கப்பட்டுள்ளனர். மாநாட்டையொட்டி சிறப்பு பஸ்-ரெயில்கள், கூடுதல் விமானங்கள் விடப்படுகின்றன. பள்ளி, கல்லூரிகளுக்கு விடுமுறை அளிக்கப்பட்டு உள்ளது.
            மாநாட்டையொட்டி கோவை நகரமே விழாக்கோலம் பூண்டுள்ளது. புதுப்பிக்கப்பட்ட சாலைகள், பூங்காக்கள், கூடுதலான மின்விளக்கு வசதிகள் என கோவை நகரமே ஜொலிக்கிறது. பேரணி நடைபெறும் அவினாசி சாலையிலும், மற்றும் முக்கிய சாலைகளிலும் தமிழ் இலக்கிய காட்சிகள், தமிழர்களின் வீரம், பண்பாடு ஆகியவற்றை விளக்கும் ஓவியங்கள் வரையப்பட்டுள்ளன.
            மாநாட்டுக்கு வரும் லட்சக்கணக்கான மக்களுக்காக போதிய குடிநீர் மற்றும் உணவு வழங்க சிறப்பு ஏற்பாடுகள் செய்யப்பட்டுள்ளன. இதற்காக 4 இடங்களில் உணவுக்கூடங்கள் அமைக்கப்பட்டுள்ளன. 415 சிறப்பு பஸ்கள் விடப்பட்டுள்ளன.
நன்றி :

அலைகள் செய்தி தளம்

சீனாவுக்கும் இந்தியாவுக்கும் இடையில் சிறிலங்கா ஆடும் நாடகம் இறுதியில் கண்ணீரிலேயே முடியும்: ஆஸ்திரேலிய இராஜதந்திரி

Posted by justin jeevaprakash | | Posted On Saturday, June 12, 2010 at 2:08 AM

வணக்கம். சீனாவுக்கு இந்தியாவுக்கும் இடையில் சிறிலங்கா ஆடும் நாடகம் இறுதியில் கண்ணீரிலேயே முடியும்: ஆஸ்திரேலிய இராஜதந்திரி
சீனா,இந்தியா ஆகிய நாடுகளுடனான இலங்கையின் நட்பு இறுதியில் கண்ணீரில்தான் முடியும். புத்திசாலித்தனமாகச் செயற்படமுடியும் என்று இலங்கை நினைக்கிறது. இது மாபெரும் தவறாகும். ஆனால் இது பிழையான நினைப்பு. இலங்கை அதன் சுயாட்சியை இழக்க நேரும். இந்தியாவுக்கு தலையையும், சீனாவுக்கு வாலையும் காட்டும் இச்செயற்பாடு மிகவும் முட்டாள்தனமானது. இந்தியாவை மீறி
சீனாவுடன் நட்பைப்பேணுவது ஆபத்தானது. இவ்வாறு அவுஸ்திரேலியாவின் பிரபல முன்னாள் இராஜதந்திரிகளில் ஒருவரும்,
இலங்கைக்கான அவுஸ்திரேலியாவின் துணை உயர்ஸ்தானிகராக 1994 ஆம் ஆண்டு கடமையாற்றியவருமான புரூஸ் ஹெய் தெரிவித்துள்ளார்.
இலங்கையின் நடப்பு விவகாரங்கள் குறித்து ஊடகம் ஒன்றுக்கு வழங்கிய பேட்டி ஒன்றிலேயே இவ்வாறு குறிப்பிட்டார். அதில் அவர் முக்கியமாகத்
தெரிவித்துள்ளவை வருமாறு, இலங்கைத் தூதரகங்கள் அரசியல் மயப்பட்டுவிட்டன. அவை புலம்பெயர் தமிழர்களுக்கு எதிரான நிகழ்ச்சி நிரல்களை தீவிரமாக முன்னெடுத்து வருகின்றன. தமிழர்களுக்கு தொல்லை கொடுக்கின்றன. இலங்கைத் தூதரகங்கள் அமைந்திருக்கும்
அந்தந்த நாடுகளின் இணக்கத்துடன் இச்செயற்பாடுகள் முன்னெடுக்கப்பட்டு வருகின்றன. ஆனால் தற்போது நிலைமை மாறுகிறது. ஏனெனில் அந்நாடுகள் கேள்வி கேட்க ஆரம்பித்து விட்டன.
ஐ.நாவின் சர்வதேச குற்ற விசாரணைகளுக்கு இடம்கொடுக்காமல் இருப்பதன் மூலம் இலங்கையின் பெயர் கெடுகிறது. இலங்கையே அதன் பெயரை கெடுக்கிறது. இலங்கையின் யுத்தக் குற்றங்கள் உள்நாட்டு விடயங்கள் அல்ல.யுத்தக் கைதிகளை படுகொலை செய்தல். அப்பாவி பொதுமக்களை கொலைசெய்தல், பெண்களை கற்பழித்தல் என்பன எப்படி உள்நாட்டு விடயங்கள் ஆகி விடமுடியும். இலங்கைக்கு இராணுவ நடவடிக்கை மூலம் கிடைக்கப்பெற்றது உண்மையான வெற்றி
அல்ல. ஏனெனில் சிவில் யுத்தத்தின் மூலப் பிரச் சினைகண்டறிந்து
தீர்க்கப்படவில்லை. தமிழ் அரசியல் கட்சிகளுடன் அர்ப்பணிப்பு, பற்றுறுதி,
விசுவாசம், நம்பிக்கை, புரிந்துணர்வு ஆகியவற்றின் அடிப்படையில்
பேச்சுக்களை முன்னெடுப்பதன் மூலம் மட்டுமே பிரச்சினைகளுக்கு தீர்வு காண முடியும். ஆனால் அரசுத் தரப்பில் இவை ஒன்றையும் காண முடியாமல் உள்ளது என்று தெரிவித்துள்ளார்.
நன்றி:

தந்தை பெரியார் மடற்குழு.

கூலிம் மாவட்டத் தமிழ்ப்பள்ளிகளுக்கிடையில் நடைபெற்ற 'கலைத்திறன் போட்டி'

Posted by justin jeevaprakash | | Posted On Thursday, June 10, 2010 at 5:01 PM

            வணக்கம். கடந்த ஜூன் 6 ஆம் தேதி, கூலிம் பண்டார் பாருவின் தமிழ்ப்பள்ளிகளின் ஒருமைப்பாட்டு கழகத்தின் ஏற்பாட்டில், மாவட்ட ரீதியில் கலைத்திறன் போட்டி சிறப்பாக நடைபெற்றது.இதில் மாவட்டதிதின் கீழ்  அமைந்துள்ள   17         தமிழ்ப்பள்ளிகளும்       பங்கெடுத்தன.                  மாணவர்கள்  பேச்சுப் போட்டி, கட்டுரை எழுதும் போட்டி, திருக்குறள் ஒப்புவிக்கும் போட்டி,  கவிதை புனையும் போட்டி,  கதைச் சொல்லும் போட்டி, கணினிப் போட்டி, நாட்டியப் போட்டி எனும்  பல  நிகழ்வுகளில் கலந்து கொண்டு சிறப்பித்தனர். இந்நிகழ்வு  கூலிம்  தமிழ்ப்பள்ளியில்           காலை 9.00 மணியளவில்  ஆரம்பமானது என்பது குறிப்பிடத்தக்கது.  இப்போட்டியை மாநில கல்வி  இலாக்காவின்  மொழிப்பிரிவு துணை இயக்குனர்  திரு. தமிழ்ச் செல்வன்  அவர்கள்  துவக்கி  வைத்து       உரையாற்றினார்.  மாணவர்களின்   கலைத்         தன்மையை     மேலோங்கச்                   செய்வதற்கு       
இவ்விழா ஒரு நல்ல சந்தர்ப்பமாகச் அமந்தது என்றே கூற வேண்டும். மாணவர்கள்  ஆர்வமுடன் தங்களின்
திறமைகளை         வெளிப்படுத்தினர். 
அனைத்து நிகழ்வுகளும்         சரியாக 
மதியம் 2.00    மணியளவில்             முடிவுற்றது. இந்நிகழ்வை முடித்து வைக்க கெடா 
மாநில                   தமிழ்ப்பள்ளிகளின்    
அமைப்பாளர்திரு.இராமகிருஷ்னண்
அவர்கள் வருகைப்புரிந்திருந்தார்.
கணேசர் தமிழ்ப்பள்ளியில் முதன்  முறையாக  அதிகமான பரிசு கோப்பைகளை            மாணவர்கள்                தட்டிச்   சென்றது,   அனைத்துத் தரப்பினருக்கும்  மகிழ்ச்சியை ஏற்படுத்தியது.

இடம்: திரு.தேவராஜன் நடு: திரு.இராமகிருஷ்ணன் வலம்: நான்
பரிசுப்பெற்ற கணேசர் தமிழ்ப்பள்ளி மாணவர்கள்.

மாணவர்களிடம் இருக்கின்ற கலைத்திறனை இம்மாதிரியான போட்டிகளில் மட்டுமே வெளிப்படுத்த  முடிகிறது.  ஆகவே, ஆசிரியர்களும்  பெற்றோர்களும்    குழந்தைகளிடம் மறைந்திருக்கின்ற      கலைத்தன்மையை
 வெளிபடுத்த தயாராகஇருத்தல் வேண்டும். ஒவ்வொரு   குழந்தைகளுக்கும்   ஒவ்வொரு வகையிலான  கலைத்தன்மை மறைந்திருக்கிறது. அதுவே அவர்களின் ஆற்றலுக்கான விதை. அதை அவர்களிடமிருந்து வெளிக்கொணர்ந்தால் அவர்கள் உள ரீதியிலும் உடல் ரீதியிலும் வலிமைப் பெற்றவர்களாகத் திகழ்வர். அது மட்டுமின்றி  அழிந்து  கொண்டு  வருகிற நம் கலை, பண்பாடு, கலாச்சாரத்தையும் வளுப்படுத்துவதற்கு இம்மாதிரியான நிகழ்வுகளே முக்கியப் பங்காற்றுகின்றன. ஆகவே நாம் நமது கலை, பண்பாடு, கலாச்சரத்தை அழித்தது போதும்! இனிமேலாவது நம் எதிர்கால சங்கதியினரிடம் அதனை வாழ வைப்போம்....! நன்றி.


Blood on Water”- என்.டி.டி.வி.யின் ஆவணப்படத்தில் கூறப்படுவது என்ன?

Posted by justin jeevaprakash | | Posted On Thursday, June 3, 2010 at 3:34 PM

‘நாங்கள் இலங்கையில் இருக்க முடியாதவாறு சிறிலங்காப் படையினர் எம்மைத் துன்புறுத்துகின்றனர். எங்கள் மீது தாக்குதல்களை மேற்கொள்கின்றனர். எங்களின் சகோதரர்களை, எங்களின் மக்களை சிறிலங்காப் படையினர் சித்திரவதை செய்கின்றனர். அவர்களைக் கொல்கின்றனர். இதனால் அங்கிருக்க முடியாமல் அவுஸ்ரேலியா செல்வதற்காக நாங்கள் புறப்பட்டோம்.’

இந்த உரையாடல் “Blood on Water” எனும் தலைப்பில் இந்திய தொலைக்காட்சியான என்.டி.டி.வி ஒளிபரப்பிய விவரண ஆவணப்படத்தில் இடம்பெற்றுள்ளது.

இந்த விவரணச் சித்திரத்தில் உண்மைக்குப் புறம்பான தகவல்கள் வெளியிடப்பட்டுள்ளதால் இந்த ஆவணபடத்தை வாபஸ் பெறுமாறு இந்தியாவுக்கான சிறிலங்காவின் தூதுவர் பிரசாத் காரியவசம் குறித்த தொலைக்காட்சி சேவைக்கு எழுத்து மூலம் அறிவித்திருந்தார்.



தமிழீழ விடுதலைப் புலிகள் தோற்கடிக்கப்பட்ட பின்னரும் தமிழ் மக்கள் அங்கு இயல்பாக வாழ்வதற்கான எவ்வித அமைதியான சூழ்நிலையும் உருவாகவில்லை என்பதையும், தமிழ் மக்கள் இலங்கையிலிருந்து வெளியேறிவிடவே விரும்புகிறார்கள் என்பதையும் அது வெளிப்படுத்துகின்றது.

இதேபோன்றே, தமிழ்நாட்டுக்கும் இலங்கைத் தமிழ் மக்கள் அகதிகளாக வருகின்றார்கள் என்பதையும் ஆதாரத்துடன் அது வெளிப்படுத்தியது. சிறிலங்காப் படையினரின் கெடுபிடிகளுக்கு மத்தியில் அவர்களின் கட்டுப்பாட்டுக்குள் இருக்க முடியாததாலேயே தாங்கள் இங்கே வந்ததாக இலங்கைத் தமிழ் மக்கள் தெரிவித்திருக்கிறார்கள்.

இலங்கையில் கடந்த வருடம் போர் ஓய்வடைந்ததற்குப் பின்னரும் தமிழ் மக்கள் அங்கு வாழ முடியாத நிலைமை காணப்படுவதையே இத்தகைய நிகழ்வுகள் வெளிப்படுத்துகின்றன.


வவுனியா தடுப்பு முகாம்களுக்குள் தமிழ் மக்கள் எப்படி இருக்கிறார்கள் என்று சொல்வதற்கு எந்தவொரு அனைத்துலக ஊடகத்திற்கும் அனுமதி வழங்கப்படவில்லை. இத்தகைய தடுப்பு முகாம்களில் இருந்து மீளக் குடியேற்றப்பட்ட தமிழ் மக்கள் தமது சொந்த வாழ்விடங்களுக்கு அனுப்பி வைக்கப்பட்டிருக்கிறார்களா என்பதை அறியவும் முயலவில்லை. இவ்வாறு மீளக் குடியேற்றப்பட்ட தமிழ் மக்களின் வாழ்விலும் எத்தகைய முன்னேற்றமும் இல்லை.

இலங்கையில் ஜனாதிபதித் தேர்தலும், நாடாளுமன்றத் தேர்தலும் நடைபெற்று முடிந்து விட்டது.

தமிழீழ விடுதலைப் புலிகளை அழித்துவிட்டு தமிழ் மக்களுக்கான சுதந்திரத்தை வழங்குவேன் என்று குறிப்பிட்ட சிறிலங்கா ஜனாதிபதி மகிந்த ராஜபக்சவிடம் அம் மக்களுக்கு என்ன சுதந்திரத்தை வழங்கினீர்கள் எனக் கேட்கவும் எவருமில்லை.

போர் முடிவடைந்து விட்டது என்பது சமாதானம் உருவாகி விட்டது என்று அர்த்தப்படாது என ஜவர்ஹர்லால் நேரு பல்கலைக்கழகத்தின் சர்வதேச கற்கை நெறிகளுக்கான பேராசிரியர் அனுருத்த செனோய் தெரிவிக்கின்றார்.

மீண்டும் ஓர் போர் உருவாகாத வகையில் சமாதானமும் தேசிய நல்லிணக்கமும் உண்மையான அர்த்தத்துடன மேற்கொள்ளப்பட வேண்டும் எனக் குறிப்பிடும் அவர், இலங்கையின் இனப்பிரச்சினை தொடர்பில் இந்தியா சிறிலங்காவுக்கு ஏற்படுத்திய அழுத்தங்கள் போதுமானதாக இருக்கவில்லை எனவும் சுட்டிக்காட்டுகின்றார்.

இலங்கையைச் சிங்கள நாடாக்க வேண்டும் என்று அவர்கள் விரும்புகின்றார்கள். ஜனாதிபதி மகிந்த ராஜபக்ச அதைத் தான் செய்து வருகின்றார். மாறாக, சிறிலங்காவின் முன்னாள் படைத்தளபதி சரத் பொன்சேகா ஜனாதிபதித் தேர்தலில் வென்றிருந்தாலும் அதனைத்தான் செய்திருப்பார். எங்களைப் பொறுத்தவரை இரண்டு பேரும் ஒரே மாதிரித்தான். தமிழ் மக்களைப் பொறுத்த வரை அழிவு அழிவு தான் என தமிழ் இளைஞர் ஒருவர் கூறுகின்றார்.

போர் முடிவடையும் வரை தமிழீழ விடுதலைப் புலிகளைக் காரணம் காட்டினார்கள். ஆனால் போர் முடிவடைந்த பிறகும் எங்களை சிறிலங்காப் படையினர் மீன்பிடிக்க அனுமதிக்கவில்லை.

சிறிலங்காப் படையினர் கடலில் எங்களைக் கண்டதும் சுட்டுத் தள்ளுவதாக தமிழ்நாட்டு மீனவர் ஒருவர் குறிப்பிடுகின்றார். இதுவரை 300 தமிழக மீனவர்கள் சிறிலங்காப் படையினரால் சுட்டுக் கொல்லப்பட்டுள்ளதுடன், 500 தமிழக மீனவர்கள் காயப்பட்டுள்ளார்கள்’ என்று என்.டி.டி.வி.யின் ஆவணப்படத்தில் மேலும் தெரிவிக்கப்பட்டுள்ளது.

நன்றி.

வள்ளுவம்.

தமிழீழத் தேசியத்தலைவர் வே.பிரபாகரனின் தந்தையாரின் சித்திரவாதையும் மரணமும்.

Posted by justin jeevaprakash | | Posted On at 12:18 AM

தமிழ் தேசியத்தலைவர் வே.பிரபாகரனின் தந்தையார் திருவேங்கடம் வேலுப்பிள்ளை கொழும்பில் பயங்கரவாத தடுப்புப்பிரிவினரால் தடுத்து வைக்கப்பட்டிருந்த இவர் 16.01.2010 அன்று  இயற்கை மரணமடைந்துள்ளதாக சிறீலங்கா படைத்துறைப்பேச்சாளர் உதயநாணயக்கார தெரிவித்துள்ளார். இச்செய்தியால் உலக மக்கள் அனைவரும் கண்கலங்கியுள்ளனர்.

சிறிலங்கா அரச படைகளின் துன்புறுத்தல்களால் அதிகளவில் பாதிக்கப்பட்டிருந்த அவருக்கு உரிய மருத்துவ வசதிகள் வழங்கப்பட்டிருக்கவில்லை என்று தெரியவந்துள்ளது. சிறிலங்கா அரச படைகளின் மனிதாபிமானமற்ற நடவடிக்கைகள் காரணமாவே அவர் உயிரிழக்க நேர்ந்துள்ளதாக தகவல்கள் வெளியாகியுள்ளன. யுத்த கைதிகளாக தேசியத் தலைவரின் தாய் தந்தையரை விசேட தடுப்பு முகாமில் சிறைவைத்திருந்த சிறிலங்கா அரசாங்கம் சர்வதேச மனித நேய அமைப்புகள் அவர்களை பார்வையிடுவதற்கு கூட அனுமதி வழங்கியிருக்கவில்லை என்பது குறிப்பிடத்தக்கது.

சித்திரவதைக்குள்ளாகும் தலைவரின் பெற்றோர்
இதுவரை வெளிவராத...இலங்கைச் சித்திரவதை! நாலாவது மாடியில் பிரபாகரன் பெற்றோர். பிரபாகரனின் பெற்றோர் திருவேங்கடம் வேலுப்பிள்ளையும், பார்வதியம்மாளும் இப்போது சிங்கள அரசின் முரட்டுச் சித்திரவதைகளில் அவதிப்பட்டு வருவதாகக் கடல் கடந்து வரும் தகவல்கள்தான் உலகம் முழுவதும் உள்ள தமிழர்களின் மனங்களில் வேதனை வலியைப் பரவ வைத்திருக்கிறது. இவ்வாறு தமிழக வார சஞ்சிகை ஆனந்த விகடன் தெரிவித்துள்ளது.

'மே, 1968...
அர்ச்சகரின் மீதுதான் தவறு!' - அந்த இளைஞனின் உதடுகளில் இருந்து உஷ்ணமாக வெளிப்பட்டன வார்த்தைகள். கோபம் அனலாகத் தெறிக்கும் தன் மகனின் முகத்தை விநோதமாகப் பார்த்தார்கள் பெற்றோர் இருவரும்.

'என்ன நடந்தது எனத் தெரிந்துதான் பேசுகிறாயா? தமிழரான அந்த அர்ச்சகரை சிங்களவர்கள் என்ன செய்தார்கள் தெரியுமா?' - பதில் கோபத்துடன் திருப்பிக் கேட்டார் அந்த இளைஞனின் தந்தை.
'தெரியும், சிங்களவர்கள் கொளுத்திவிட்டார்கள். அவர்கள் கொளுத்தும் முன்பே அர்ச்சகர் அவர்களைக் கொன்றிருக்க வேண்டும்' - கோபம் குறையாமல் அந்த இளைஞன் சொல்லவும் கூடுதலாக அதிர்ச்சி தந்தைக்கு!
'தேவாரத்தையும், திருவாசகத்தையும் சொல்லிக்கொடுத்து, திருவாசகத்துக்கு உருகார் ஒரு வாசகத்துக்கும் உருகார் எனப் படித்த உன்னிடம் இருந்தா இப்படிப்பட்ட வார்த்தைகள் வருகின்றன? தவறு, பகைவனிடம்கூட நாம் அன்பு பாராட்டத்தான் வேண்டும். அன்பே சிவம், அன்பே கடவுள், அன்பே உலகம்!' எனப் பதிலுக்கு அழுத்தி அழுத்தி அந்த இளைஞனுக்கு அன்பைப் போதிக்கிறார் அந்தத் தந்தை!
30 ஆண்டு காலமாக ஈழத் தமிழர்களுக்காக இராணுவம் கட்டிப் போராடிய பிரபாகரன்தான் அந்த இளைஞன். பிரபாகரனுக்கு அன்பை அழுத்தி அழுத்திச் சொன்னவர் தந்தை திருவேங்கடம் வேலுப்பிள்ளை. சிங்களப் பகைவனுக்குக்கூட அன்பு பாராட்ட வேண்டும் எனப் போதித்த பிரபாகரனின் பெற்றோர் திருவேங்கடம் வேலுப்பிள்ளையும், பார்வதியம்மாளும் இப்போது சிங்கள அரசின் முரட்டுச் சித்திரவதைகளில் அவதிப்பட்டு வருவதாகக் கடல் கடந்து வரும் தகவல்கள்தான் உலகம் முழுவதும் உள்ள தமிழர்களின் மனங்களில் வேதனை வலியைப் பரவ வைத்திருக்கிறது.
இலங்கை வல்வெட்டித்துறையில் நன்கு அறியப்பட்ட நடுத்தரவர்க்கக் குடும்பம் திருவேங்கடம் வேலுப்பிள்ளையினுடையது. இலங்கை அரசாங்கத்தில் மாவட்டக் காணி அதிகாரியாகப் பணிபுரிந்தவருக்கு பிரபாகரன், ஜெகதீஸ்வரி, விநோதினி என மூன்று குழந்தைகள். மகன் பிரபாகரன் தேர்ந்தெடுத்த பாதையை மாற்ற ஆரம்பத்தில் எவ்வளவோ முயற்சித்தவர்.
பின்னாட்களில் மகனுக்குப் பின்னால் திரண்ட போராட்ட வீரர்களைப் பார்த்து, தவிப்புடன் ஆசி வழங்கி போராட்டத்துக்குத் தத்துக் கொடுத்தார் மகனை. அதன் பிறகு சிங்கள அரசுக்கும் பிரபாகரனின் படைக்கும் பல முறை போராட்டங்கள் நடந்தபோதெல்லாம் முதலில் பாதிக்கப்படுவது வேலுப்பிள்ளைதான். வேதனையும் பயமும் உள்ளுக்குள் நொறுக்கினாலும், மகனின் வீரப் போராட்டத்துக்காக எதையும் வெளிக்காட்டாமல் வெள்ளந்தி மனிதராக வாழ்ந்தவர்.
ஒரு கட்டத்தில் இரண்டு மகள்களுக்கும் திருமணம் முடித்துக் கொடுக்க... மூத்த மகள் ஜெகதீஸ்வரி கணவருடன் கனடா சென்றுவிட்டார். இளைய மகள் விநோதினி திருச்சியில் தங்கி விட்டார்.
மரபுவழி இராணுவப் போர் உக்கிரமாகத் தொடங்கிய காலத்தில் பிரபாகரன், தன் பெற்றோரை வற்புறுத்தி 83-ம் ஆண்டில் இந்தியா அனுப்பிவைத்தார். திருச்சி இராமலிங்க நகரில் இருந்த விநோதினியின் வீட்டில் தங்கியிருந்தபடி மருத்துவச் சிகிச்சைகளை மேற்கொண்டு வந்தனர் இருவரும். பின்னர், விநோதினியும் கனடா சென்றுவிட, தங்களுக்கு மருத்துவம் பார்த்த முசிறி டாக்டர் இராஜேந்திரனுடன் முசிறியிலேயே தங்கி இருந்தனர்.

அமைதி ஒப்பந்தம் நடைமுறையில் இருந்த காலத்தில் 2003-ம் ஆண்டில் தமிழீழம் கிளம்பிப் போனார்கள். அதன் பிறகு கடைசி வரை பிரபாகரனுடயே இருந்தவர்களை இறுதிக்கட்டப் போரின்போது தமிழகத்துக்குச் செல்லும்படி எவ்வளவோ கூறி இருந்திருக்கிறார் பிரபாகரன். 'வாழ்வோ, சாவோ... இனி உன்னோடுதான்' என்ற உறுதியோடு இருந்தவர்கள், சிங்கள இராணுவத்தின் கைகளில் சிக்கியது காலத்தின் கோலம்தான்.
''போர் பாதிப்பின் அடையாளமாக எஞ்சிஇருந்த மிச்சசொச்சம் தமிழ்ச் சொந்தங்கள் சொந்த தேசத்துக்கு உள்ளேயே நாடு கடத்தப்பட்ட அகதிகளாக இராணுவத்திடம் சரண் அடைந்திருந்தனர். அந்த மக்களோடு மக்களாக மெனிக்பாம் அகதிகள் முகாமில் தஞ்சம் அடைந்திருந்தனர் பிரபாகரனின் பெற்றோர்.
அவர்களைத் தேடி வந்த இராணுவத்தினர் ஏனைய மக்களைச் சித்திரவதைக்கு உள்ளாக்கியபோது, தாங்களாகவே முன்வந்து 2009, மே 20-ம் தேதி தங்களை ஒப்புக் கொடுத்தனர் பிரபாகரனின் பெற்றோர்.

வவுனியா இடைத்தங்கல் முகாமுக்கு இருவரையும் அழைத்துச் சென்ற இராணுவம், அங்கு தனிமையில் வைத்திருந்தது. 76 வயதான வேலுப்பிள்ளையும், 71 வயதான பார்வதியம்மாளும் உடல்நிலை மோசமாகி மிகவும் சிரமப்பட்டபோதுகூட, அவர்களுக்கான மருத்துவ உரிமையைப் பறித்தது இராணுவம்'' என்று இப்போது சொல்லும் சில ஈழத் தமிழ் பிரமுகர்கள்,


''60 வயதுக்கு மேற்பட்டவர்கள் தங்களுக்கு உதவியாக உறவினர் ஒருவரை வைத்துக் கொள்ளலாம் என்ற பொது விதியைக்கூட பிரபாகரனின் பெற்றோருக்கு அவர்கள் மறுத்துவிட்டனர். ஒரு மாத காலம் வவுனியா முகாமில் இருந்தவர்களை, பின்பு சிங்கள இராணுவம் எங்கோ கொண்டு சென்றது. இதுவரை விவரம் தெரியாமல் இருந்தது.
இப்போது, அந்த அப்பாவி முதியவர்கள் இருவரும் 'போர்த் ப்ளோர்' எனப்படும் 4வது மாடியில் இலங்கை மத்திய குற்றப் புலனாய்வுத் துறை அலுவலகத்தில் இருப்பதாக வரும் செய்திகள் கேட்டு நடுங்கிப் போயிருக்கிறோம்'' என்கிறார்கள் உள்ளார்ந்த பதைபதைப்புடன்!
நாலாவது மாடி என்ற வார்த்தையைக் கேட்டு ஏன் பதைபதைக்க வேண்டும்?
அது அப்படித்தான்! ஜெ.ஆர்.ஜெயவர்த்தன ஆட்சிக் காலத்தில் கொழும்பு கொள்ளுப்பிட்டிப் பகுதியில் உள்ள கட்டடத்தின் நான்காவது மாடிக்கு மெள்ள மெள்ள அப்படியொரு 'புகழ்' சேரத் தொடங்கியதாம்! இலங்கை மத்தியக் குற்றப் புலனாய்வுப் பிரிவு அங்கே ஹிட்லரின் சித்திரவதைக் கூடத்தைவிட பயங்கரமான நிகழ்வுகளை அரங்கேற்றிக் காட்டுவது வழக்கமாம். அரசுக்கு எதிரான முக்கிய தமிழ்முகங்கள் சிக்கிவிட்டால்... அவர்களை சிறுகச் சிறுக நொறுங்கவைத்து இரகசியங்களைப் பிடுங்க முடிவெடுத்துவிட்டால்... இந்தநாலாவது மாடிக்கு கொண்டு போய்விடுவார்களாம்.
''இங்கே போய் உயிரோடு திரும்பியவர்கள் மிக அபூர்வம்தான்! அப்படி உயிரோடு திரும்பி வருபவர்களும் வாழ்நாள் முழுக்க நிம்மதியாத் தூங்க முடியாது. கனவிலும் மிரட்டும் கொடுமைகள் அப்படி! சுவர் எங்கும் தெறித்து விழுந்த இரத்தக்கறைகளும், ஓயாத மரணவலி ஒலங்களும் அந்த நான்காம் மாடியில் ஒலித்துக்கொண்டே இருக்குமாம். அந்த இடத்தை 'சாத்தானின் மாளிகை' என்றும் 'பிசாசுக் கூடாரம்' என்றும் விவரம் தெரிந்த தமிழர்கள் சொல்வது வழக்கம்'' என்று விளக்கம் கிடைக்கிறது.

விசாரணைக்காக வரும் நபர்களை வகைப்படுத்தியே சித்திரவதை தொடங்குவார்களாம். ஆடைகளைக் கழற்றி, பனிக்கட்டிகள் நிரம்பி இருக்கும் ஓர் அறையில் நடுங்கும் குளிரில் உறையவைப்பது... கேட்கிற கேள்விக்கு 'திருப்தி'கரமான பதில் வராவிட்டால், குளிருக்கு நேரெதிரான பாஸ்பரஸ் ட்ரீட்மென்ட் நடக்குமாம். பாஸ்பரஸை உடலில் தடவி, கொதிக்கிற மின் தகட்டைக் கையிலெடுத்து... மேற்கொண்டு கேட்டால், இளகிய மனங்கள் துடிதுடித்துப் போகும்.

தலைகீழாகத் தொங்கவிடுவது... பிறகு, பி.வி.சி. பைப்புகளில் மணலை நிரப்பி அடித்து நொறுக்குவது... தலைகீழாகத் தொங்குபவரின் தலையில் முழுக்க பெட்ரோல் நிரம்பிய ஒரு பொலித்தீன் பையை மாட்டுவது... மூச்சுவிட முடியாமல் அவர்கள் பெட்ரோலை மெள்ள மெள்ளக் குடிப்பதையும்... அதன் நெடி மிகுந்த காற்றைச் சுவாசிப்பதையும் ரசிப்பது!

விதவிதமாக நீள்கின்றன இந்த சித்திரவதைப் படலங்கள்.
வாய் வழியே பெட்ரோல் சென்று அரை மயக்க நிலையில் ஆழ்ந்த பிறகும், கேட்ட கேள்விக்குப் பதில் வராவிட்டால் வாய்க்குள் தீக்குச்சியைக் கொளுத்திப் போடுவார்களாம் குரூர அதிகாரிகள்! இதில், உடலின் உள்ளுறுப்புகள் தீயினால் வெந்து பொசுங்கிவிடும்.
உயிர் ஊசலாடிக்கொண்டு இருக்கும்போது, நான்கைந்து பேர் மட்டுமே கால்நீட்டி அமரக்கூடிய ஓர் அறைக்குள் 20-க்கும் மேற்பட்ட நபர்களை நின்ற நிலையில் அடைத்து விடுவார்களாம். துளிகூட வெளிச்சம் புகாத அந்த இருட்டறைக்குள் முனகலும், மூச்சுவிடும் சத்தமும் மட்டும்தான் துணையிருக்கும். மற்றபடி எல்லாமே அந்தகாரம்தான்!
மனநிலையை உருக்கி, உண்மைகளை வாங்குவதற்காக இப்படி உணவு, தண்ணீர் தராமல் பலநாட்கள் இருட்டுக்குள் வைத்திருப்பது உண்டு என்றும் இலங்கைத் தமிழ்ப் புள்ளிகள் மத்தியில் பரவிக்கிடக்கிறது சேதி.
''பெண்களின் நிலைமையோ எழுத்தில் வடிக்க முடியாது'' என பயம் பரவ நாலாவது மாடி பற்றி விவரிக்கிறார்கள் இலங்கைத் தமிழ் நிருபர்கள் சிலர்.

''இத்தகைய ஓரிடத்தில் கடந்த நான்கு மாதங்களாக விசாரணை என்ற பெயரில் பிரபாகரனின் தாய் - தந்தை வைக்கப்பட்டு இருப்பதாக அறிகிறோம். வேலுப்பிள்ளைக்கு சர்க்கரை நோய், உயர் இரத்த அழுத்தம், பக்கவாதம் போன்ற பாதிப்புகள் உள்ளனவாம். தாய் பார்வதியம்மாளுக்கும் சர்க்கரை, உயர் இரத்த அழுத்த பாதிப்பு உண்டாம். அவர்களுக்கு அங்கே என்னவிதமான மருத்துவக் கண்காணிப்பு அளிக்கப்படுகிறது என்று தெரியவில்லை. அவர்களிடமிருந்து சிங்கள அதிகாரிகள் என்ன தெரிந்துகொள்ள விரும்புகிறார்கள் என்றும் புரியவில்லை!
இருவரையும் தனித்தனியே பிரித்து தனிமைச் சிறையில் அடைத்து வைத்திருப்பதாக துளியளவு இரக்கமுள்ள சில அதிகாரிகள் மூலம் தகவல் வருகிறது. முதுமையில் தனிமையின் பயம் எத்தகைய மனக் குழப்பங்களை உண்டாக்கும் என்று சொல்லத் தேவையில்லை. உணவுக் கட்டுப்பாட்டுக்கும் வழியில்லை அந்த நோயாளித் தம்பதிக்கு!
இந்திய எம்.பி-க்கள் குழு இலங்கை சென்றபோது 'பிரபாகரனின் பெற்றோரைப் பார்க்க வேண்டும்' என வேண்டுகோள் வைத்திருக்கிறார் திருமாவளவன். இதற்கு மறுப்புத் தெரிவித்த அதிபர் ராஜபக்ஷவின் சகோதரரான பசில், பிரபாகரனின் பெற்றோர் நலமுடன் இருப்பதாக மட்டுமே தெரிவித்திருக்கிறார். ''அவர்களை வெளியில் விடுவதற்கு எங்களுக்கு எந்த ஆட்சேபணையும் இல்லை. ஆனால், அவர்கள் இந்தியாவில் தங்குவதாக இருந்தால் மட்டும்தான் வெளியில் விடுவோம். மற்ற வெளிநாடுகளுக்குப் போனால், அவர்கள் எங்களுக்கு எதிராகப் பேட்டிகள் கொடுப்பார்கள். இப்படித்தான் டாக்டர் தமிழ்வாணியை நாங்கள் வெளியில் விடச் சம்மதித்தோம். ஆனால், லண்டன் போனவர் எங்களையே விமர்சித்தார். அந்த மாதிரி பிரபாகரனின் பெற்றோர் செயல்படக் கூடாது அல்லவா?'' என்று பசில் ராஜபக்ஷே, திருமாவளவனிடம் சொன்னதாக எங்களுக்கு ஒரு தகவல் இருக்கிறது'' என்கிறார் இலங்கை தமிழ் பத்திரிகையாளர் ஒருவர்.
இலங்கைத் தமிழ் தேசியக் கூட்டமைப்பின் தலைவரான சம்பந்தன் மற்றும் எம்.பி. சேனாதிராஜா ஆகியோரின் உதவியுடன் பெற்றோரை மீட்டுத் தமிழகம் கொண்டுவரும் நடவடிக்கைகளைத் தொடங்கியிருக்கிறாராம் பிரபாகரனின் சகோதரி விநோதினி. இதற்கு இலங்கை அரசாங்கம் எந்தளவு ஒத்துழைக்கும் என்பது இன்னும் சில வாரங்களில் தெரிந்துவிடும்.
அமெரிக்க நாடாளுமன்றத்தில் இலங்கை குறித்த போர்க் குற்ற அறிக்கை தாக்கலாகி இருப்பதைத் தொடர்ந்து, இங்கிருந்து யாரையும் இனி வெளிநாடுகளுக்கு அனுப்ப இலங்கை சம்மதிக்காது என்கிறார்கள் கொழும்பு பத்திரிகையாளர்கள்!
''பிரபாகரனின் பெற்றோருக்கு உண்மையில் என்ன நடந்தது, அவர்களது இப்போதைய நிலைமை என்ன என்பதை அதிகாரபூர்வமாக அறிவிக்க வேண்டும்'' என்று தமிழீழ ஆதரவு அமைப்புகள் கோரிக்கை வைக்கத் தயாராகி வருகின்றன.
இலங்கையின் சித்திரவதை அத்தியாயம் இப்போதைக்கு முடிவதாகத் தெரியவில்லை!



நன்றி :

ஆனந்த விகடன்



மனிதனோடு மறந்திருக்கும் உண்மைகள் !

Posted by justin jeevaprakash | | Posted On Monday, May 31, 2010 at 5:13 PM


இரகசியம் என்பது என்றுமே நிரந்தரம் இல்லாத ஒன்றாகக் காலத்தின்  பிரசவத்தில் அவ்வப்போது பிறக்கின்றது.  ஒவ்வொரு     இரகசியமும்    சரியான     நேரம், இடம்,  மற்றும்  சரியான  மனிதருக்காகக் காத்திருக்கிறது. அறிவியல் உலகிலும் இப்படித்தான்; சமய உலகிலும் இப்படித்தான். அகநிலை அறிவியல் பற்றியும், உள்ளார்ந்த மனித விஞ்ஞானம் பற்றியும் பல நாடுகளில் நடந்துள்ள ஆய்வுகளைப் பார்க்கும் போதும் மனம் திகைத்துதான் போகிறது. நம்மிடத்தில் ஒரு சாவி இருக்கிறது. அந்தச்  சாவியிலிருந்து  அதன்  கருவூலத்தைத் திறந்து காணலாம் என்பதையும் கற்பனை  செய்ய  வழியில்லை. செல்வம் இருப்பதற்கான அடையாலம் எதுவும் சாவியில் இல்லை. சாவியே ஒரு பூட்டாக மூடிக்கிடக்கிறது   என்கிறார் ஓஷோ. ஆம் அந்தச் சாவியை துண்டு துண்டாக உடைத்தாலும் அது உலோகம் என்று தெரியுமே தவிர, அதிலிருந்து வெளிப்படப் போகும் செல்வம் என்னவென்று அறிந்து கொள்ள முடியாது.  எந்த விதமான குறிப்பும் இல்லாத சாவி ஒன்றை, நெடுங்காலம்             வைத்திருப்பது        வெறும்          சுமையாகவே ஆகிவிடும்.
இந்த சுமையை  நம்முடையே    பலர்  
வைத்துக்            கொண்டுதான்       உலா        வந்து கொண்டிருக்கிறோம். 
இருந்தும்    அதை  தூக்கி     எறிந்துவிடும்    எண்ணம் நமக்கு ஏற்படவில்லை காரணம் ஒரு பூட்டை என்றாவது ஒரு நாள் அது திறக்கக்கூடும் என்ற நம்பிகை! இந்தத் தேடலின் கண்டுப்பிடிப்புதான் இன்றைய நம் உலகம். பல சாவிகலால் திறக்கப்பட்டு கட்டவிழ்க்கப்பட்ட ஒரு மாபெரும் சக்திதான் இன்றைய உலகம்  என்று கூறினால் அது சொல்லத்தகுந்தது. மனிதன் ஆதியிலிருந்து இன்று வரை தனது விடாமுயற்சியாலும் திருப்தியின்மையாலும் தனது தேடலின் முடிவாலும் நாளுக்கு நாள் அதிநவீன மாற்றங்களைக் கண்டுப்பிடித்து வருகிறான்.  இதற்கு காரணம் தான் வைத்திருந்த சாவிக்கு ஏற்ற பூட்டைக் கண்டுப்பிடித்ததால். சில சமயங்களில் தான் வைத்திருந்த சாவிக்கு ஏற்ற பூட்டை கண்டுப்பிடிக்காமல் போவதும் உண்டு. ஆனால் அது தொடர் முயற்சியாக ஆடுத்தவரின் தேடலுக்கு உட்பணிந்து போவதும் உண்டு. இதுவே பல கண்டுப்பிடிப்புகளின் பரினாமம் என்று கூறவே விரும்புகிறேன். எந்த அளவிற்கு   நாம் நம்முடைய  எண்ணத்தையும்  சொல்லையும் செயலையும் செயலாக்கத்திற்கு கொண்டு வருகிறோமோ  அந்த அளவிற்கு  நம்மால் வெற்றியடைய முடியும். முடியாது முடியாது என்பவனும் , அது இல்லை, இது இல்லை என்பவனும் மரக்கட்டைக்கு ஒப்பானவன் என்கிறார் ஒரு பிரஞ்ஜு அறிஞர். உலகில் உள்ள அனைத்தும் நம்பிக்கையாலும் விடாமுயற்சியாலும்   அமைந்துள்ளது. அது போல ஒரு மனிதனின் உயர்வும் தாழ்வும் அவனின் நம்ப்பிக்கையின் அடிப்படையிலும்  விடாமுயற்சி எனும் தொடர் செயலாலும் நடைப்பெறுகிறது.   அவற்றைப்  பயன்படுத்தி   வாழ்க்கையில் எது வேண்டுமோ அதை நம்பிக்கையுடனும் விடாமுயற்சியுடனும்   செயல்பட்டு   நம்மிடம் இருக்கும் சாவிக்கான பூட்டைத் தேடிக் கண்டுப்பிடிப்போம்!  நன்றி.

தமிழ்க்காப்பியங்கள் - தெரிந்து கொள்வோம்...

Posted by justin jeevaprakash | | Posted On Tuesday, May 25, 2010 at 7:34 PM

         காப்பியம் என்பது தமிழில் உள்ள ஓர் இலக்கிய வகையாகும். இதில் ஒரு கதை மையாமாகவும் பலவகை பாக்களால் பாடப்பெற்று பல பகுதிகளாக பிரிக்கப்பட்டு இருக்கும். தமிழில் பல காப்பியங்கள் உள்ளன. கதைச் சிறப்பாலும், சமயக் கருத்தை உணர்த்துவதிலும் இவை சிறப்புற்று இருக்கிறது என்றே காப்பியங்களைக் கூற வேண்டும்.
         தமிழில் உள்ள காப்பியங்களை ஐம்பெருங் காப்பியங்கள் என்றும், ஐஞ்சிறு காப்பியங்கள் என்றும் கூறுவர். ஐம்பெரும் காப்பியங்கள் என்றால், சிலப்பதிகாரம்,மணிமேகலை, சீவகசிந்தாமணி,   வளையாபதி, 
குண்டலகேசி         போன்றவை      அடங்கும். ஐஞ்சிறு காப்பியங்கள்,என்றால், சூளாமணி, நீலகேசி, நாககுமார காவியம், யசோதர காவியம்,  உதயணகுமாரா காவியம் ஆகும்.
          தமிழில் உள்ள காப்பியங்களில் மிகப் பழமையானது சிலப்பதிகாரமாகும். கோவலன், கண்ணகி, மாதவி ஆகிய மூவர் வாழ்க்கை வரலாற்றைக் கூறுவது சிலப்பதிகாரம். மேலும் சாதாரணக் குடிமகன் ஒருவனைத் தலைவனாக வைத்துப் பாடப்பெற்றதால், இதற்குப்  புரட்சி காப்பியம் என்றும் சிறப்புப் பெயர் உண்டு.
         சிலப்பதிகாரத்தோடு தொடர்புடையது மணிமேகளையாகும். இவை இரண்டும்  கதையாலும் காலத்தாலும் தொடர்புப்படுத்தப்பட்டிருப்பதால் இதனை இரட்டைக் காப்பியங்கள் என்றும் அழைப்பர். மணிமேகலையில் காப்பியத்தின் தலைவியாக மணிமேகளையும் இவள் கோவலனுக்கும் மாதவிக்கும் பிறந்தவளாக இருப்பாள். பௌத்த சமயத்தைப் பரப்புவதற்கே இக்காப்பியம் எழுதப்பட்டதாக சான்றுகள் கூறப்படுகின்றன.
        பிற்காலத்துல் சமண சமயத்தைப் பரப்புவதற்கே சீவகசிந்தாமணி என்ற காப்பியம் எழுந்தது. சைவ  சமயத்தின்  பெருமையை  விளக்கும்  வகையில்    பெரிய புராணம்,  கந்த புராணம், திருவிளையாடல் போன்ற 
காப்பியங்கள்  எழுந்தன.  வைணவ  சமயத்தின்  பெருமையைக்  கூறுவனவாகக்  கம்பராமாயணம்,  வில்லிபாரதம் போன்ற காப்பியங்கள் எழுந்திருப்பதாக சான்றுகள் பறைசாற்றுகின்றன.

கணேசர் தமிழ்ப்பள்ளியின் 'வெற்றியின் விலாசம் விடாது வாசித்தல்' (4வி)

Posted by justin jeevaprakash | | Posted On Thursday, May 20, 2010 at 6:48 PM

வணக்கம். உலகில் மூத்த மொழிகளில் தமிழ் மொழியும் ஒன்றாகத் திகழ்கிறது. இணையத்தின் வழியாகவும்   உலகத்தமிழர்கள் கருத்துப்    பரிமாற்றம்  செய்து      கொள்வதற்கும்  ஏதுவாகத்   தமிழ் மொழி  அமைந்துள்ளது.     இத்தகைய சிறப்பு  வாய்ந்த                  தமிழ்  மொழியில்      
கற்றல்       கற்பித்தல்  நடவடிக்கை  தமிழ்  நாடு, மலேசியா, சிரிலங்கா,
சிங்கப்பூர், தென் ஆபிரிக்கா, மொரிசியஸ், தாய்லாந்து, கம்போடியா என இன்னும் பல நாடுகளில் நடைபெற்று வருகிறது. ஆகவே, தமிழ்மொழி போதிக்கும் ஆசிரியர்கள் பலதரப்பட்ட அணுகுமுறைகளுடன் போதனா முறையைப் புதுமைப்படுத்திக் கொள்வது சிறப்பாகும்.                                   
 நம்முடைய போதனா முறையில்  அண்மைய காலமாகவே பல மாற்றங்கள் ஏற்பட்டு வருகின்றதை நாம் அறிவோம்.அந்த மாற்றங்களுக்கு ஏற்ப தங்களைத் தயார் செய்து கொள்ள வேண்டிய கடப்பாடு ஒவ்வொரு ஆசிரியருக்கும் இருக்க வேண்டியது அவசியமாகும். இந்த     நோக்கத்தில்  ஏற்பாடு  செய்யப்பட்டதே இந்த 'வெற்றியின் விலாசம் விடாது வாசித்தல்' (4வி)  எனும் காரியத் திட்டமாகும். கற்றல் கற்பிதல்         கூறுகளில்  வாசிப்புத்  திறன்  மிக முக்கியமானதாகக் கருதப்படுகிறது. அத்தகையத்  திறனை  மாணவர்கள் அடைய ஆசிரியர்கள் போராடி வருகிறார்கள் என்று கூறினால் அது மிகையாகாது. ஆகவே, கணேசர் தமிழ்ப்பள்ளியின் தலைமையாசிரியை திருமதி.யௌவணாராணி அவர்களின் ஊக்கத்துடன் மாணவர்களின் வாசிப்புத் திறனின் மேம்பாட்டிற்காகவே இந்த வாசிப்புத் திட்டத்தை செயலாக்கத்திற்குக் கொண்டு வந்தேன்.
 .
                                                                                     
இந்தத் திட்டம் பள்ளி அளவில் கடந்த ஆண்டு பிப்ரவரி மாதத்தில் பள்ளியின் தலைமையாசிரியரால் துவக்கப்பட்டது. மாணவர்கள் குழு வடிவில் பிரிக்கப்பட்டுத் தரத்திற்கேற்றவாறு வாசிப்பு அட்டைகளைப் பெற்றுக் கொண்டனர்.
கொடுக்கப்படுகின்ற வாசிப்பு அட்டைகளை ஓய்வு நேரத்திற்குப் பிறகு வாசிப்பதுடன் வாரத்தின் இறுதி நாளில் பிற குழு தலைவர்கள் , தாயாரிக்கப்பட்டிருக்கும்  புள்ளி  விபர அட்டையில்  சம்மந்தப்பட்ட  மாணவரின் நிலையை வாசிக்கக் கேட்டு அவர்கள் பெறுகின்ற புள்ளிகளைக் குறிப்பெடுப்பர். இப்படி ஒவ்வொரு  வாரமும்  புள்ளிகள் சேர்க்கப்பட்டு மாணவர்கள் வாரம் ஒரு வாசிப்பு அட்டையைப் பிழையின்றி வாசிக்க முற்பட்டு,. மாத இறுதியில்  வெற்றிப்பெற்றக்     குழுவிற்குப்  நொருவங்கள் (hamper)           பரிசாக                         வழங்கப்பட்டு வருகிறது. இப்பரிசை வாங்குவதற்கான செலவீனங்களைப் பள்ளியின் தலைமையாசிரியரும், ஆசிரியர்களும், பெற்றோர் ஆசிரியர் சங்கமும் பொறுப்பேற்று நடத்தி வருகின்றனர் என்றே கூற வேண்டும். அதுமட்டுமின்றி இக்காரியத் திட்டம்  'மாநில புனை வாழ ஆசிரியர்'(Guru Inovatif)   எனும் ஆய்வுக்குத் தேர்வு செய்யப்பட்டிருக்கின்றது என்பது குறிப்பிடத்தக்கது. நன்றி.

முனைவர் மு.இளங்கோவனின் உரை

Posted by justin jeevaprakash | | Posted On at 5:15 PM

வணக்கம்.மலேசியாவின் புகழ்பெற்ற நகரான சுங்கைப்பட்டாணியில் இன்று 20.05.2010 மாலை 5.30 மணிக்குத் "தமிழக நாட்டுப்புறப்பாடல்கள்" என்ற தலைப்பில் ஐயா அவர்கள் உரையாற்றுகிறார்.
இடம்: M.G.G.K மண்டபம்(ஜெயா புத்தக நிலையம்
காந்தி மண்டப முன்புறக்கடை வரிசையில் மேல்மாடி,
சாலான் செகெராட்,சுங்கைப்பட்டாணி.

நேரம்: மாலை 5-30. மணி
ஏற்பாடு: நவீன இலக்கியச் சிந்தனைக்களம்


இதனைத் தொடர்ந்து நாளை பிற்பகல் மணி 1.30 – பாரிட் புந்தார், தமிழியல் நடுவத்தில் “தமிழ் வளர்ச்சிப் பணியில் அயலகத் தமிழர்கள்” எனும் தலைப்பில் சொற்பொழிவு. தமிழியல் ஆய்வுக் களம், தமிழ் வாழ்வியல் இயக்கம் ஆகிய அமைப்புகள் இந்த நிகழ்ச்சியை ஏற்பாடு செய்துள்ளன.  நன்றி.




தமிழ்த்தாய் வாழ்த்து : கவிதையும் விளக்கமும்

Posted by justin jeevaprakash | | Posted On Tuesday, May 18, 2010 at 6:21 PM

வாழ்க நிரந்தரம் வாழ்க      தமிழ்மொழி வாழிய வாழியவே

வானம் அளந்த தனைத்தும் அளந்திடும் வண்மொழி வாழியவே

ஏழ்கடல் வைப்பினும் தன்மணம் வீசி இசைகொண்டு வாழியவே

எங்கள் தமிழ்மொழி எங்கள் தமிழ்மொழி என்றென்றும்  வாழியவே                                         
                                                                               - மாகவி சுப்பிரமணிய பாரதியார் -
சூழ்கலி நீங்கத் தமிழ்மொழி ஓங்கத்
துலங்குக வையகமே

தொல்லை வினைதரு தொல்லை அகன்று
சுடர்க மலைநாடே

வாழ்க தமிழ்மொழி வாழ்க தமிழ்மொழி
வாழ்க தமிழ்மொழியே

வானம் அறிந்த தனைத்தும் அறிந்து
வளர்மொழி வாழியவே


பாடல் விளக்கம்:

1. தமிழ்மொழி காலமெல்லாம் நிலைபெற்று வாழ்க.

2.எல்லையில்லாது விரிந்துகிடக்கும் வான்வெளியில் இருக்கும்   அனைத்தையும் அளந்து அறியவைக்கும் வளமிக்க தமிழ்மொழி வாழ்க.

3. ஏழு கடல்களால் சூழப்பட்டுள்ள இந்த உலகம் எங்கிலும் எல்லாரும் மனம் விரும்பி மகிழ்ந்து பாராட்டும் பழியில்லாத புகழ்படைத்த தமிழ்மொழி வாழ்க.

4. தமிழர்களாகிய எங்களுக்குப் பரம்பரைச் சொத்தாக வந்துகொண்டுள்ள தமிழ்மொழி எந்தக் காலத்தின் புதுமைக்கும் புதுமையாக நிலைத்து வாழ்க.

5. உலகத்துக்கும் உலகமக்களுக்கும் ஏற்பட்டுள்ள துன்பம்தரும் நிலைமைகள் யாவும் நீங்குவதற்குத் தமிழ் அறிவும் ஆற்றலும் உறவும் உயர்ந்து விளங்குக.

6. மக்களின் நன்முயற்சிகளுக்கும் நல்லுறவுக்கும் நல்வாழ்வுக்கும் இடைஞ்சல் செய்யும் இடையூறுகள் எல்லாம் நீங்கி இந்த மலேசியத் திருநாடு வாழ்க.

7. தன்னை நாடிவந்த அனைவரையும் சீரும் சிறப்புமாக வாழவைக்கும் உள்ளாற்றல் நிறைந்து விளங்குகின்ற தமிழ்மொழி வாழ்க.

8. எல்லையில்லாததாய் விரிவடைந்துகொண்டுள்ள வான்பரப்பில் ஆவது அனைத்தையும் மக்கள் அனைவருமே அறிந்து புதிய புதிய வளர்ச்சிகள் பெறுவதற்கு வழிகாட்டும் தமிழ்மொழி வாழ்க.

வணக்கம்.  அன்பர்களே  தமிழ் நன்றாக, நலமாக இருந்தால் தமிழ்ப்பள்ளிகளில் தோற்றம் கண்டிப்பாக  மாறும். மொழி அறிவு உள்ளவர்களால் மட்டும் ஒரு சமூகம் பயனடைந்து விடாது. மொழிமானமும் மொழிப்பற்றுதலும் மிகவும் அவசியம் என்பதை நினைவுக்கூர்ந்து ஒரு சேர்ந்து சிந்தித்துச் செயல்படுவோம்.
நன்றி.

கணேசர் தமிழ்ப்பள்ளியின் ஆசிரியர் தினக்கொண்டாட்டம்..

Posted by justin jeevaprakash | | Posted On at 4:32 PM

வணக்கம். ஆசிரியர் தினக்கொண்டாட்டம் கணேசர் தமிழ்ப்பள்ளியில் சிறப்பாகக் கொண்டாடப்பட்டது. மாணவர்கள்  மிகவும் மகிழ்ச்சியுடன் அந்நாளைக் கொண்டாடினர். ஆசிரியர்களின் சேவைகளை நினைவுக்கூர்ந்து மாணவர்கள் சிலர் சுயமாக கவிதை இயற்றி ஒப்புவித்தது ஆசிரியர்களைப் பிரமிக்க வைத்தது. அதுமட்டுமின்றி  அனைத்து  
மாணவர்களும் வகுப்புவாரியாக
ஆசிரியர்களுக்கென விருந்து ஏற்பாடு செய்து ஆசிரியர்களுக்குத் தங்களின்  அன்பை வெளிப்படுத்தினர். மேலும்,
மாணவர்கள் உற்சாகத்துடன்         புதிர் போட்டிகளிலும் விளையாட்டுகளிலும் கலந்துகொண்டு மகிழ்வுற்றனர். இந்த ஆசிரியர் தினத்தில் மாணவர்கள்    மட்டுமின்றி அனைவருமே தங்களின் ஆசிரியர்களை       நினைவுக்கூர்வர்; ஒரு வினாடியாவது தனக்குப் போதித்த
ஆசிரியரின் சேவையை நினைத்து ஆனந்தம் அடைவர். இதுவே,
இறைவன் ஆசிரியர்களுக்குக் கொடுத்த ஒரு வரம் என்றே நான் கருதுகிறேன். நன்றி.

நாட்டினத்தை உருவாக்குபவர் ஆசிரியர்

Posted by justin jeevaprakash | | Posted On Sunday, May 16, 2010 at 7:14 PM


வணக்கம்.       இன்று மலேசிய மண்ணில் ஆசிரியர் தினம் மிகவும் சிறப்பாகக் கொண்டாடப்பட்டு வருகிறது. இந்நாளில் ஆசிரியர்களின் சேவைகளை நினைவுக்கூறும் வகையில் எல்லா பள்ளிகளிலும் ஆசிரியர் தினம் மிகவும் விமரிசையாகக் கொண்டாடப்படும். 'நாட்டினத்தை உருவாக்குபவர் ஆசிரியர்' என்பதை இவ்வாண்டின் கருப்பொருளாக கல்வியமைச்சு வரையறுத்திருப்பதுப் பாராட்டக்கூடியது. (Guru Pembina Bangsa Negara) ஆகவே, அனைத்து ஆசிரியர்களுக்கும் எனது ஆசிரியர் நாள் வாழ்த்துகளைத் தெரிவித்துக் கொள்கிறேன். நன்றி.

நான் படித்த புத்தகம். ஒரு கண்ணோட்டம்...

Posted by justin jeevaprakash | | Posted On Saturday, May 15, 2010 at 7:08 PM

வணக்கம்.  விஞ்ஞான வளர்ச்சியில் பல மாற்றங்கள் நாளுக்கு நாள் ஏற்பட்டு வந்தாலும் மனிதனானவன் தனது மெய்ஞான வளர்ச்சியில் தன்னை அறியாமல் பல உலக மாயைகளுக்குச் சிக்கி சீர்குலைந்து கொண்டிருக்கிறான் என்பது பலர் கண்டறிந்த மெய்ஞான உண்மையாகும். ஆகவே, மெய்ஞான வளர்ச்சியைப்பற்றி நான் அவ்வப்போது ஒரு சில நூல்களைப் புரட்டுவதுண்டு. அவ்வகையில் அன்மையில் நான் படித்து முடித்த ஒரு புத்தகம்தான் பெரியவர் அருளானந்த அடியேன் என்பவரால் இயற்றப்பட்ட 'இறைவனை அடையும் சித்தர் அனுபவ விளக்கம்'
எனும் நூலாகும். இந்நூல் மனித வாழ்க்கையின் ஆன்மீக இரகசியங்களை மிகத்தெளிவாக எடுத்துரைக்கின்றது என்றால் அது மிகையாகாது. இப்புத்தகத்தின் மையம் தன்னை அறிந்து அவற்றுடன் ஒன்றாவதே தன்னை அறியும் பெருநிலையாகும் எனும் இரகசியம்தான். இப்புத்தகத்தை வாசிக்க வாசிக்க எனக்குள் இருந்த பல இருட்டு அறைகள் ஒளிப்பெற்றன. எனது பார்வையில் இப்பெரியவர் இயற்றிய இப்புத்தகம் இந்து தர்ம அடிப்படையில் இருந்தாலும் மதம், இனம் எனும் பேதமில்லாத மனித வாழ்க்கையின் இரகசியங்களை படம் பிடித்துக்காட்டுகின்ற ஒரு பொக்கிஷம் என்றே கூறத்தோண்றுகிறது. (இப்புத்தகத்தைப் படித்து பயன் பெற விரும்புவோர் (http://www.sageagatthiyar.com/) எனும் இணயத்தளத்தை நாடிப் பெற்றுக்கொள்ளலாம். நன்றி

எனது பள்ளி...

Posted by justin jeevaprakash | | Posted On at 5:18 PM

வணக்கம். இதுவே கணேசர் தமிழ்ப்பள்ளியாகும்.
இப்பள்ளிக் கெடா மாநிலத்தில், கூலிம் மாவட்டத்தின் கீழ் செர்டாங் எனும் ஒரு வட்டாரத்தில் அமைந்துள்ளது.
சுமார் 118 மாணவர்களும் என்னுடன் சேர்த்து 13 ஆசிரியர்களும் இப்பள்ளியில் பணிபுரிகின்றனர்.
திருமதி.யௌவணாராணி அவர்களே இப்பள்ளியின் தலைமையாசிரியர் ஆவார். பள்ளியின் அமைப்புப் பார்ப்பதற்கு எழில் மிகுந்து காணப்படுவதன் காரணம் பல நன்நெஞ்சங்கள் எங்களுடன் சேர்ந்து பள்ளிக்காகப் பாடுபடுகின்றனர் என்றால் அது சொல்லத்தகுந்தது. நன்றி.

முதல் துளி...

Posted by justin jeevaprakash | | Posted On at 4:41 PM

தமிழே உயிரே வணக்கம்...
தாய்ப்பிள்ளை உறவம்மா உனக்கும் எனக்கும்...
தாய் வாழ்க!
தமிழ்த்தாய் வாழ்க!
என்னை வாழ வைக்கின்ற இயற்கைத் தாய் வாழ்க!

வணக்கம். தமிழ் இனியனின் வளைப்பதிவின் மூலம் பல தமிழ் நெஞ்சங்களைச் சந்திப்பதில் பெரும் மகிழ்ச்சியடைகின்றேன். இவ்வளைப்பதிவின் மூலம் மொழி, இனம், தமிழ்ப்பள்ளி சம்மந்தப்பட்ட விடயங்களை உங்களிடம் அவ்வப்போது பகிர்ந்து கொள்கிறேன். நன்றி.